چه‌ندین زانیاری له‌سه‌ر لێدانی په‌ناڵتی و لێدانی راسته‌وخۆ بخوێنه‌وه‌

دوورگه‌- زۆرجار پرسیاری وه‌رزشی سه‌یرمان لێده‌كرێت و ئێمه‌ش وه‌ڵاممان پێ نییه‌، بۆیه‌ پێمان باش بوو كه‌ چه‌ند پرسیارێكی سه‌یری وه‌رزشی بكه‌ین و هه‌ر خۆشمان وه‌ڵامی بده‌ینه‌وه‌. فه‌رموون له‌گه‌ڵمان بن:
پرسیاری یه‌كه‌م: له‌ لێدانی په‌ناڵتی یاریزان ده‌توانێت پاس بدات؟
وه‌ڵام: به‌ڵێ ده‌توانێ پاس بدات، به‌ڵام به‌و مه‌رجه‌ی كه‌ ئه‌و یاریزانه‌ی پاسی پێده‌درێت له‌ ده‌ره‌وه‌ی هێڵی سزا بێت.. ئه‌مه‌ش ئاساییه‌.
پرسیاری دووه‌م: ئایا یاریزان له‌ لێدانی په‌ناڵتی ده‌توانێ شوت بۆ دواوه‌ لێ بدات؟
وه‌ڵام: ده‌بێ شوت بۆ پێشه‌وه‌ بێت و نابێ یاریزان تۆپ ئاراسته‌ی دواوه‌ بكات، مه‌رجه‌ ده‌بێ له‌ لێدانی په‌ناڵتی تۆپ بۆ پێشه‌وه‌ بڕٍوات.
پرسیاری سێیه‌م: ئه‌گه‌ر یاریزانێك له‌ لێدانی راسته‌وخۆ تۆپی ئاراسته‌ی گۆڵی خۆیان كرد و تۆپ چووه‌ ناو گۆڵی خۆیان ئایا گۆڵه‌كه‌ هه‌ژمار ده‌كرێت؟
وه‌ڵام: نه‌خێر گۆڵه‌كه‌ هه‌ژمار ناكرێت، به‌ڵكو ده‌بێته‌ لێدانی لا (زاویه‌) بۆ تیپی به‌رامبه‌ر، چونكه‌ لێدانی راسته‌وخۆ ده‌بێ گۆڵی پێ له‌ تیپی به‌رامبه‌ر بكرێت.