پاڵه‌وانێتى باسكه‌ى رۆژئاواى ئاسیا ده‌ستی پێكرد

ئه‌مڕۆ له‌ شارى دهۆك ڕكابه‌ریه‌كانى پاڵه‌وانێتى تۆپى باسكه‌ى ڕۆژئاواى ئاسیا به‌ به‌شدارى هه‌رچوار هه‌ڵبژارده‌ى عێراق و ئێران و سوریاو ئوردن ده‌ستى پێكرد، له‌ یه‌كه‌م یارى پاڵه‌وانێتیه‌كه‌شدا هه‌ڵبژارده‌ى باسكه‌ى ئێران به‌ 72 خاڵ به‌رامبه‌ر به‌ 70 خاڵ له‌ هه‌ڵبژارده‌ى ئوردنى برده‌وه‌ .

له‌ دووه‌م یارى پاڵه‌وانێتى تۆپى باسكه‌ى ڕۆژئاواى ئاسیا، هه‌ڵبژارده‌ى تۆپى باسكه‌ى عێراق ڕوو به‌ ڕووى هه‌ڵبژارده‌ى تۆپى باسكه‌ى سوریا بووه‌وه‌، له‌ ئه‌نجامدا، هه‌ڵبژارده‌ى سوریا به‌ 92 خاڵ به‌رامبه‌ر به‌ 87 خاڵ سه‌ركه‌وتنى به‌ده‌ستهێنا، ڕكابه‌ریه‌كانى ئه‌م پاڵه‌وانێتیه‌ له‌ كه‌شێكى ئارامدا له‌ شارى دهۆك به‌ڕێوه‌ده‌چێت، شاندى هه‌ڵبژارده‌ به‌شداربووه‌كانیش ئاسوده‌یى خۆیان بۆ ئه‌نجامدانى پاڵه‌وانێتیه‌كه‌ له‌ هه‌رێمى كوردستان ده‌ربڕیوه‌ .