به‌رازیل بووه‌ پاڵه‌وانی مۆندیالی لاوان

دوای بردنه‌وه‌ی به‌ ئه‌نجامی (3 - 2) گۆڵ له‌ هه‌ڵبژارده‌ی پورتوگال، هه‌ڵبژارده‌ی به‌رازیل توانی بۆ جاری پێنجه‌م له‌ مێژووی خۆیدا ببێته‌ پاڵه‌وانی جامی جیهانی لاوان بۆ ژێر (20) ساڵ، که‌ له‌ کۆڵۆمبیا به‌ڕێوه‌ چوو.

گۆڵه‌کانی هه‌ڵبژارده‌ی به‌رازیل له‌لایه‌ن یاریزان (ئۆسکار)ی ته‌مه‌ن (19) ساڵ تۆمار کران، که‌ ناوبراو یاریزانی یانه‌ی ئینته‌رناسیۆنالی به‌رازیلییه‌و گۆڵه‌کانی پورتوگالیش له‌رێگه‌ی یاریزانان (ئه‌لێکس)و (نیڵسۆن ئۆلیڤێرا)وه‌ تۆمار کران.

جێگه‌ی ئاماژه‌یه‌، دوایین جار که‌ هه‌ڵبژارده‌ی به‌رازیل ئه‌م نازناوه‌ی به‌ده‌ست هێنابێت، ساڵی (2003) بوو.