له‌ مانگى ڕه‌مه‌زاندا زیاتر گرنگى به‌ خواردنى میوه‌ى ترێ بده‌

KTV ...
ترێ یه‌كێكه‌ له‌و میوانه‌ى كه‌ زیاتر له‌ هه‌موو میوه‌كانى تر ده‌وله‌مه‌نده‌ به‌ یه‌كه‌ى گه‌رمى و شه‌كر ، ئه‌مه‌ش هه‌ندێ سوودى ته‌ندروستى هه‌یه‌ ، به‌لام له‌ مانگى ڕه‌مه‌زانى پیرۆزدا توێژه‌ران ئامۆژگاریمان ده‌كه‌ن ، كه‌ پێویسته‌ ترێ به‌ ئاسایی بخۆرێت ، چونكه‌ توێكل و تووى له‌ پێكهاته‌ى "بۆلیفینۆل" پێكهاتووه‌ كه‌ سوود به‌ دڵ ده‌گه‌ینێت .

به‌پێی ئه‌و لێكۆلینه‌وه‌یه‌ى كه‌ زانایانى زانكۆى میشیگینى ئه‌مریكى ئه‌نجامیان داوه‌ ، ده‌ركه‌وتووه‌ كه‌ ترێى سوورو سپی ، ده‌كرێت به‌ شێوه‌یه‌كى بنه‌ره‌تى دژى نه‌خۆشیه‌كانى دڵ بوه‌ستێت .

توێژه‌ران ده‌لێن" هه‌ر 100 گرام ترێ له‌ 72 یه‌كه‌ى گه‌رمى و 81 گرام ئاو پێكهاتووه‌ ، سه‌ره‌راى ئه‌مه‌ش له‌ رێژه‌یه‌كى به‌رزى پۆتاسیۆم و مه‌گنیزیوم و كالسیۆم و فۆسفۆر پێكهاتووه‌ ، هه‌روه‌ها ماده‌ى "بۆلیفینۆل" كه‌ به‌ ماده‌یه‌كى چاڵاك ناسراوه‌ ، یارمه‌تى كه‌مكردنه‌وه‌ى ئاستى كۆلیسترۆڵی زیانبه‌خش ده‌دات ، وه‌ به‌رگریش له‌ نه‌خۆشیه‌كانى دڵ و خوێنبه‌ره‌كان ده‌كات .

له‌لایه‌كى تریشه‌وه‌ میوه‌ى ترێ رێژه‌ى مردن به‌هۆى نه‌خۆشیه‌كانى دڵه‌وه‌ كه‌م ده‌كاته‌وه‌و ئاستى چه‌وریش له‌ناو له‌شدا داده‌به‌زێنێت . ترێ ده‌كرێت دژی پیربوونیش بوه‌ستێت و به‌رگریش له‌ هه‌ندێ جۆرى شێرپه‌نجه‌ بكات ، به‌هۆى ئه‌وه‌ى له‌ شه‌كرى فروكتۆز پێكهاتووه‌ كه‌ یارمه‌تى كارى هه‌رس ده‌دات .

له‌ كۆتایدا توێژه‌ران ئامۆژگاریمان ده‌كه‌نه‌وه‌ كه‌ له‌ماوه‌ى دواى فتاركردنه‌وه‌دا گرنگیه‌كى ته‌واو به‌ خواردنى ترێ بدرێت ، چونكه‌ جۆره‌ها ماده‌ى به‌سوود به‌ له‌ش ده‌به‌خشێت .