بووك و زاوایه‌كی پاكستانی له‌یه‌كه‌مین شه‌وی هاوسه‌رییان مردن

(PNA) – به‌هۆی دووكه‌ڵی مۆلیده‌یه‌كی كاره‌بایی بووك و زاوایه‌كی پاكستانی له‌یه‌كه‌مین شه‌وی هاوسه‌رگیریان توشی ژه‌هراویبوون هاتن و مردن.


كه‌ناڵی ئه‌ی ئاڕ وای پاكستانی رایگه‌یاند, بووك زاوایه‌ك دوای چه‌ند سه‌عاتێك له‌ئاهه‌نگی هاوسه‌رگیریان, له‌یه‌كه‌مین شه‌وی هاوسه‌رییان مردن.



ئه‌و سه‌رچاوه‌یه‌ راشیگه‌یاند, دوای كۆتایی هاتنی ئاهه‌نگی هاوسه‌رگیریان بووك و زاوایه‌كه‌ چوونه‌ته‌ ژووری نوستنی خۆیان و دواتر كاره‌بای ژووره‌كه‌ بڕاوه‌و كه‌سوكاری زاوا مۆلیده‌یه‌كیان له‌ نزیك ژووره‌كه‌ هه‌ڵكردووه‌ به‌ مه‌به‌ستی دابین كردنی كاره‌با بۆ ژووری بووك و زاوا, سه‌ره‌نجام دووكه‌ڵی مۆلیده‌كه‌ له‌ په‌نجه‌ره‌ی ژووره‌كه‌ چووه‌ته‌ ژووره‌وه‌و بووك و زاواكه‌ توشی ژه‌هراویبوون هاتوون مردوون له‌هه‌مان شه‌ودا.


ئه‌و سه‌رچاوه‌یه‌ بڵاویشكرده‌وه‌, مردنی ئه‌و بووك و زاوایه‌ تا به‌یانی نه‌زاندراوه‌, كاتێ كه‌سوكاری زاواكه‌ دوای له‌ده‌رگادان ده‌چنه‌ ژووره‌وه‌ ده‌بینن هه‌ریه‌ك له‌ بووك و زاوا له‌سه‌ر جێگه‌كه‌یان مردوون.





س/كولجين