هه‌نار چاره‌سه‌رى ڵاوازى سێكس و نه‌خۆشیه‌كانى شێرپه‌نجه‌ ده‌كات

KTV ...


سووده‌ ته‌ندروستیه‌كانى هه‌نار زۆرن ، له‌وانه‌ش چاره‌سه‌رى نه‌خۆشیه‌ ترسناكه‌كانى شێرپه‌نجه‌و ڵاوازى سێكس ده‌كات ، ئه‌مه‌ش به‌پێی ئه‌و لێكۆلینه‌وه‌یه‌ ده‌ركه‌وتووه‌ كه‌ زانایانى زانكۆى ئه‌دنبره‌ ئه‌نجامیانداوه‌ .

زیاد له‌مه‌ش شه‌ربه‌تى هه‌نار چه‌ورى له‌ناو گه‌ده‌دا كه‌م ده‌كاته‌وه‌ ، وه‌ ڕۆژانه‌ خواردنه‌وه‌ى ئه‌م شه‌ربه‌ته‌ به‌ به‌رده‌وامى بۆ ماوه‌ى یه‌ك مانگ ، مرۆڤ كه‌متر تووشی كۆبوونه‌وه‌ى خانه‌كانى چه‌ورى ده‌كات له‌ ناوچه‌ى سكدا .

هه‌روه‌ها پاڵه‌په‌ستۆى خوێن و مه‌ترسی تووشبوون به‌ وه‌ستانى دڵ و جه‌ڵته‌و نه‌خۆشیه‌كانى جگه‌ر كه‌م ده‌كاته‌وه‌ .

گۆڤارى "حریتى" میسری بلاویكرده‌وه‌ ، كه‌ میوه‌ى هه‌نار ده‌وله‌مه‌نده‌ به‌ سه‌رچاوه‌ى دژه‌ ئۆكسیده‌كان ، ئه‌مه‌ش هه‌ڵده‌ستێت به‌ بینینى ڕۆلێكى گرنگ له‌ پاراستنى جه‌سته‌ دژى نه‌خۆشیه‌ درێژخایه‌نه‌كانى وه‌كۆ دڵ و مۆلۆله‌كانى خوێن و ڕه‌قبوونى خوێنبه‌ره‌كان .

هه‌روه‌ها خواردنى هه‌نار له‌لایه‌ن ئافره‌تانه‌وه‌ له‌و نه‌خۆشیانه‌ ده‌یانپارێزێت كه‌ په‌یوه‌ندیان به‌ زوو پیروبوونه‌وه‌ هه‌یه‌ ، وه‌ یارمه‌تیان ده‌دات له‌ پاراستنى دژى شێرپه‌نجه‌ى مه‌مك ، به‌وه‌ى كه‌ تواناى خانه‌كانى شێرپه‌نجه‌ له‌ناو ده‌بات .

له‌لایه‌كى تریشه‌وه‌ توێكلى هه‌نار سوودێكى گه‌وره‌ى هه‌یه‌ ، به‌هۆى ئه‌وه‌ى به‌ رێژه‌ى 38% له‌ ترشی گلوتانیك و بلیترین پێكهاتووه‌ ، كه‌ چاره‌سه‌رى حاله‌تى سكچوون و خاوێن كردنه‌وه‌ى هه‌ناو ده‌كات .


هه‌روه‌ها به‌نیسبه‌ت ئه‌و پیاوانه‌ى تووشی كێشه‌ى لاوازى تواناى سێكس هاتوون ، به‌ خواردنه‌وه‌ى شه‌ربه‌تى هه‌نار بۆ ماوه‌ى یه‌ك مانگ به‌ به‌رده‌وامى ، ئه‌وا ده‌گاته‌ ئه‌نجامێكى دڵخۆشكه‌ر .

توێژه‌ران ئاماژه‌ش به‌وه‌ده‌كه‌ن ، كه‌ ڕۆژانه‌ خواردنه‌وه‌ى نزیكه‌ى چاره‌گه‌ لیترێك له‌ شه‌ربه‌تى هه‌نار ، ئه‌وا به‌رگرى له‌ مه‌ترسی تووشبوون به‌ شێرپه‌نجه‌ى پرۆستات ده‌كات ، وه حاله‌تى مردنیش به‌هۆی نه‌خۆشیه‌ ترسناكه‌كانه‌وه‌ كه‌م ده‌كاته‌وه‌ .