شه‌ربه‌تى ته‌مه‌ر هندى بۆ رۆژووگران به‌ سووده‌

KTV ...


لێكۆلینه‌وه‌یه‌كى تازه‌ى زانستى سودى خواردنه‌وه‌ى شه‌ربه‌تى ته‌مه‌ر هندى ئاشكرا ده‌كات ، به‌تایبه‌ت خواردنه‌وه‌ى له‌لایه‌ن ڕۆژووگرانه‌وه‌ له‌كاتى فتاركردنه‌وه‌دا ، كه‌ ده‌بێته‌ هۆى لابردنى ترشی زیاده‌ له‌ جه‌سته‌دا .

هه‌روه‌ها خواردنه‌وه‌ى شه‌ربه‌تى ته‌مه‌ر هندى سوود به‌ حاله‌تى قه‌بزبوون وشپرزه‌یى گه‌ده‌ وته‌مبه‌ڵی ده‌گه‌ینێت ، چونكه‌ له‌ كۆمه‌لێك ترش و كانزاى به‌سوود پێكهاتووه‌ ، له‌لایه‌كى تریشه‌وه‌ جه‌سته‌ له‌ ژه‌هراوی بوون ڕزگارده‌كات .

به‌پێی سه‌رچاوه‌ پزیشكیه‌كان ته‌مه‌ر هندى ده‌كرێت له‌ حاله‌تى به‌رزبوونه‌وه‌ى پاڵه‌په‌ستۆى خوێن و رشانه‌وه‌و كێژبوون وسه‌رئێشه‌دا به‌كاربهێنرێت ، وه‌ ڕۆلێكى چاڵاكیشی هه‌یه‌ له‌ ڕێكخستنى كارى گه‌ده‌ و چاره‌سه‌ركردنى نه‌خۆشی دوسنتاریا وهه‌ڵامه‌ت وكه‌مى ئاره‌زووى خواردن .

له‌لایه‌كى تریشه‌وه‌ ئه‌گه‌ر شه‌ربه‌تى ته‌مه‌ر هندى وهه‌ندێ ئاوى سارد بۆ ماوه‌ى چه‌ند كاتژمێرێك له‌گه‌ل تووى شه‌مه‌ر تێكه‌ڵ بكرێت ، ئه‌وا یارمه‌تیه‌كى چاڵاكه‌ بۆ كه‌مكردنه‌وه‌ى ئاستى شه‌كر .