گریان................

گریان

عاشق مه‌به‌ به‌ چاوی من دڵم ماڵی خه‌م و ژانه‌
هه‌نگاو مه‌نێ بۆ هه‌وارم رێگام درک و بیابانه‌

دڵی پاکت به‌ من مه‌ده‌ چرۆی عومرت مه‌ژاکێنه‌
به‌ رومه‌وه‌ پێمه‌که‌نه‌ رازی دڵت مه‌درکێنه‌

لێم ببوره‌ که‌ ناتوانم له‌ رووی تۆدا مۆمێ هه‌ڵکه‌م
ژیان بۆ من هه‌ر پایزه‌ و به‌هار بۆنی گوڵی ناکه‌م

خۆشه‌ویستیت بده‌ به‌ گوڵ رۆحت بده‌ به‌ ئه‌ستێره‌
باخی دڵت به‌ خه‌زانی هه‌ڵوه‌رینی من مه‌سپێره‌

گه‌ر نه‌توانم به‌ تۆ بگه‌م رێگا ناده‌م خۆشت بوێم
تۆ بێ خه‌به‌ر له‌ حاڵی من له‌گه‌ڵ ژانی دڵما ئه‌دوێم

ده‌لێم گه‌رێ با ته‌نها بم ته‌نهایی بۆ من ژیانه‌
چیت لێم ده‌وێ که‌ ده‌مبینی چاوم وا نوقمی گریانه‌


شه‌هاب زه‌نگه‌نه‌