الرئيسية
البوابة
أحدث الصور
التسجيل
دخول
من كچێكم ماڵم له یه‌كێك له گه‌رِه‌كه‌كانى شارى هه‌ولێره، دایكم ئافره‌تى ماڵـه‌و باوكیشم وه‌فاتى كردووه، برایه‌كى له خۆشم گه‌وره‌ترم هه‌یه له‌گه‌ڵ خوشكێك.
من له كۆلێژ له به‌شى ئینگلیزى بووم، زۆر خۆم ماندوو ده‌كرد له خوێندن، كه هه‌موو كاته‌كانم ته‌رخان كردبوو بۆ خوێندن هه‌موو شتێكم له بیروهۆشى خۆم ده‌رهێنابوو ته‌نها خوێندن نه‌بێت.
هه‌ر بۆیه‌ش كاتێك له زانكۆ ده‌مبینى هه‌ندىَ له قوتابیان خوێندنیان به‌لاوه ناوه‌و خه‌ریكى عیشق بازین زۆرم پىَ سه‌یر بوو چۆن پشتیان له خوێندن كردووه و به دواى ئه‌و كاره بىَ هوودانه كه‌وتوون زۆرجاران هاورِێیه كچه‌كانم ده‌یانگوت: باشه تۆ بۆ ئاوا خۆت ماندوو ده‌كه‌ى!! بۆ خۆت به دوور گرتووه له جیهانى عیشق و ئه‌وین!! بۆ نایه‌ى ته‌نها بۆ جارێكیش بێت تامى ئه‌وین بكه‌یت ئه‌وكات ده‌زانى چه‌ند دابرِاوى له‌و خۆشى و تامه جوان و قه‌شه‌نگه!!
زۆر جاریش هه‌ر ئه‌و هاورِێه كچه‌كانم ده‌یانگوت: فلانه كورِ داواى لىَ كردووین كه په‌یوه‌ندى له‌گه‌ڵ ببه‌ستى.
به‌لاَم من زۆر به توندى داوا كه‌یانم رِه‌ت ده‌كرده‌وه، به‌رده‌وام بووم تاكو قۆناغى كۆتای زۆر به پوختى خوێندنى خۆم ته‌واو كرد، پاشانیش به مامۆستا دامه‌زرام، ئه‌و موچه‌یه‌ى وه‌ریشم ده‌گرت نیوه‌م ده‌دایه ماڵه‌وه ئه‌وه‌ى تریشم بۆ خۆم هه‌ڵده‌گرت یان به زێرِم ده‌دا چه‌ند ساڵێك به‌و شێوه به‌رده‌وام بووم له ده‌وامه‌كه‌م، تا ئه‌و رۆژه ره‌شه‌م به‌سه‌ر هات كه هه‌موو خۆشیه‌كانى لىَ كردم به یه‌ك پارچه له بىَ ئومێدى و فرمێسك و ناخۆشى، ئه‌ویش ئه‌وه بوو رِۆژێكیان یه‌كێك له هاورِێكانم كه مامۆستابوو له‌گه‌ڵم ته‌له‌فۆنى بۆ كردم ووتى: به‌یانى براكه‌م ژن دێنىَ حه‌زده‌كه‌م تۆش بێى بۆ ئاهه‌نگه‌كه منیش ووتم باشه، به‌یانى چووم بینیم ئاهه‌نگێكى گه‌وره‌یه و چه‌ندین كورِ و كچ تێكه‌ڵ ببوون هه‌ریه‌كه و جۆره جل وبه‌رگێكى له‌به‌ر كردبوو، هه‌ڵپه‌ركىَ و زه‌ماوه‌ندێكى زۆر گه‌رم ده‌ستى پێكرد.
چاوم به كورِێك كه‌وت زۆر به وردى له منى ده‌رِوانى، منیش بایه‌خم پىَ نه‌دا و چوومه ناو شایى و ده‌ستم كرد به هه‌ڵپه‌رِكىَ، بینیم ئه‌و كورِه‌ى سه‌یرى ده‌كردم هاته ده‌ستم ماوه‌یه‌ك له ده‌ستم ماوه، دواتر من له ناو شایى هاتمه ده‌ر پشوویه‌كم دا، ئینجا دیسان چوومه‌وه ناو شایى بۆ جارى دووه‌م دیسانه‌وه ئه‌و كورِه هاته‌وه ده‌ستم كاغه‌زێكى خسته ناو گیرفانم، ئه‌و كورِه به جۆرێك هه‌ڵس و كه‌وتى له‌گه‌ڵم ده‌كرد ده‌یویست سه‌رنجى من بۆ لاى خۆى رِابكێشێت.. دواى ئه‌وه‌ى ئاهه‌نگه‌كه ته‌واو بوو چوومه‌وه بۆ ماڵ، نامه‌كه‌م كرده‌وه نوسرابوو: من بۆ تۆ لێدراوم و ئه‌ویندارى تۆ بوومه حه‌زده‌كه‌م بێمه خوازبێنیت ئه‌گه‌ر رِازى ئه‌وه‌ش ژماره‌ى مۆبایله‌كه‌مه به بوون و نه‌بوون وه‌لاَمم بده‌وه، ئه‌وه‌ى رِاستى بێت من ئه‌و كورِه كه‌وتبووه دڵم بۆیه بۆ به‌یانى تۆله‌فۆنم بۆ كورِه‌كه كرد تاكو بزانم نیازى چى یه!!
ته‌له‌فۆنم بۆ كرد ئه‌ویش زۆر به گه‌رمى وه‌لاَمى دامه‌وه، ئه‌و جاره به جۆرێك قسه‌ى له‌گه‌ڵ كردم كه دڵى منى بۆ خۆى راكێشا.. بۆ به‌یانى ئه‌و ته‌له‌فۆنى بۆ كردمه‌وه و باسى له خۆشه‌ویستى خۆى بۆ من ده‌كرد و باسى ئه‌وه‌ى ده‌كرد كه ده‌بێته پیاوێكى باش بۆ من و من به‌خته‌وه‌ر ده‌كات.. ماوه‌ى مانگێك به‌و شێوه‌یه قسه‌مان ده‌كرد.. پاشان له په‌یوه‌ندى ته‌له‌فۆنى بوو به یه‌كتر بینین.. دواتر بوو به پیاسه.. چه‌ند جارێكیش وێنه‌مان پێكه‌وه ده‌گرت ده‌یووت به دایكم پیشان ده‌دم، ئه‌و په‌یوه‌ندییه به‌م شێوه چوار مانگى خایاند، من له‌و ماویه‌دا وام لێهات پرِ به دڵ ئه‌و كورِه‌م خۆش ده‌ویست زۆر جاریش پێم ده‌ووت: كه‌ى دێیه داوام ئه‌ویش هه‌ر جاره‌ى به بیانوویه‌ك خۆى ده‌دزیه‌وه لێم تا ئه‌و كاته‌ى رِۆژێكیان كاتژمێر هه‌شتى به‌یانى بوو ته‌له‌فۆنى بۆ كردم و ووتى: وه‌ره له‌مه‌وبه‌دوا چیتر چاوه‌رِوانى نه‌ما وه‌ره با گفتوگۆى كۆتایى بكه‌ین، من وام زانى ده‌ڵێت وه‌ره باسى ماره‌برِین بكه‌ین، چووم بۆلاى رِاسته‌وخۆ پێى ووتم: ده‌مه‌وێت بچمه هه‌نده‌ران پێویستم به نه‌وه‌ت وه‌ره‌قه دۆلار هه‌یه بۆم په‌یا بكـه، كه واى گووت زۆرم پێ سه‌یر بوو..
ووتم: بۆ من بۆت په‌یا بكـه‌م؟!
ووتى: كاتىَ گه‌یشتم دێمه‌وه دتخوازم و له‌گه‌ڵ خۆم ده‌تبه‌م.
ووتم: بیـر له شتى وا مه‌كه‌وه.. من یه‌ك دۆلارت ناده‌مىَ.. دیاره تۆ منت بۆ پاره ده‌ویست!!
هه‌ڵسام ویستم برِۆم، به‌لاَم ئه‌و به توورِه‌ى ده‌ستى گرتم ووتى: ده‌ته‌وێت ئاوا به ئاسانى برِۆى!! مۆبایله‌كه‌ى ده‌رهێنا ئه‌و قسانه‌ى كردبوومان هه‌مووى تسجیل كردبوو پێى
ووتم: ئه‌گه‌ر نه‌وه‌ت وه‌ره‌قه دۆلارم نه‌ده‌یه وێنه‌كانت به براكه‌ت ده‌دم و بلاَوى ده‌كه‌مه‌وه، ئه‌وجا هه‌ستاو رِۆى.
كه ئه‌وه‌م بیست هیچم پىَ نه‌كرا ته‌نها ئه‌وه نه‌بێت كه ده‌ست بكه‌م به گریان.. زۆر گریام.. به چاوى گریانه‌وه ئه‌وێم به جێهێشت و به‌ره‌و ماڵ گه‌رِامه‌وه.. حاڵم زۆر شپرزه بوو رِقم له هه‌موو شتێك ده‌بۆوه، هه‌ر بۆیه هه‌فته‌یه‌ك له ماڵ نه‌متوانى بێمه ده‌ره‌وه و بچمه ده‌وام.. دواى هه‌فته‌یه‌ك كورِه‌كه ته‌له‌فۆنى بۆ كردم ووتى: هه‌فته‌یه‌ك مه‌وعیدت ماوه ئه‌گه‌ر نه‌وه‌ت وه‌ره‌قه دۆلارم بۆ په‌یا نه‌كه‌ى ئه‌وه وێنه‌ى خۆت له‌سه‌ر مۆبایلى براكه‌ت و هه‌موو گه‌نجێك ده‌بینیه‌وه.
ئه‌و قسانه واى لێكردم بارى ده‌رونیم زۆر خراپ بوو، چه‌ندین جار بیرم له خۆكوشتن ده‌كرده‌وه و بیرم ده‌كرده‌وه بزانم چۆن خۆم بكوژم تا رِزگارم بێت له‌و كێشه‌یه، چوومه ده‌ره‌وه تاكو بچمه لاى دكتۆر له رِێگادا چاوم به‌و كچه‌ى جیرانمان كه‌وت له قوتابخانه ئه‌هاته‌وه، ئه‌و كچه له قۆناغى ئاماده‌ى بوو، ئه‌و كچه هه‌ر چه‌نده له من گجكه تربوو به‌لاَم كچێكى زۆر به‌دین و له خواترس و ژیربوو، منیى بینى له ئه‌حواڵى پرسیم سه‌یرى كردم بینى په‌شۆكاوم ووتى: ئه‌وه چیته؟
ووتم: هیچ نیه كه‌مێك دڵم تونده.
ئه‌و ده‌یزانى گرێیه‌كى گه‌وره له دڵمدایه بۆیه ووتى: به‌خوا وازت لێناهێنم تاكو ئه‌و گرفته‌ى خۆتم پىَ نه‌ڵێى.. به‌ڵكو بۆت چاره‌سه‌ر بكه‌م.
سه‌یری رِۆخساریم كرد ته‌نها پاكى و دڵسۆزیم له رِوخسارى ئه‌و كچه به‌دى ده‌كرد پێم ووت: كێشه‌ى من به تۆ چاره‌سه‌ر ناكرێت.. پێویست ناكات تۆش خه‌فه‌ت بار بكه‌م.. به‌لاَم ئه‌و هه‌ر سوور بوو له‌سه‌ر ئه‌وه‌ى پێى بڵێم، منیش ده‌مازانى ئه‌و ئه‌مان ده‌پارێزێت بۆیه كێشه‌كه‌ى خۆم بۆ باس كرد، كه‌مێك بىَ ده‌نك بوو پاشان ووتى: بابچینه ماڵى ئێمه قسه‌یه‌كى لىَ ده‌كه‌ین.
چوومه ماڵیان به‌رداخێك ئاوى بۆ هێنام و له به‌رانبه‌رم دانیشت و به رِوویه‌كى خۆشه‌وه به‌م شێوه كه‌وته قسه له‌گه‌ڵم: خوشكى به‌رِێزم ئه‌زانى خواى گه‌وره به‌رنامه‌یه‌كى بۆ مرۆڤ ناردووه هه‌ر له‌و به‌رنامه‌یه‌دا هه‌ر شتێك سوودى هه‌بێت بۆ مرۆڤ خودا فه‌رمانى پێداوه، هه‌ر شتێكیش زیانى هه‌بێت قه‌ده‌غه‌ى كردووه، ئینجا ئه‌گه‌ر بێت و مرۆڤ پابه‌ندى فه‌رمانه‌كانى خودا بێت ئه‌وه پارێزراو ده‌بێت، ئه‌وه‌تا پێغه‌مبه‌رى خۆشه‌ویستمان ده‌فه‌رموێ: سنووره‌كانى خوا بپارێزه خوداش تۆ ده‌پارێزێت، به‌لاَم داخى گرانم خه‌ڵكى به گوێى خودا ناكه‌ن، جا كاتێك لێیان ده‌قه‌ومێت ئه‌وكات دێن داوا له خوا ده‌كه‌ن و رووى تێده‌كه‌ن.. كاره‌ساته‌كه لێره‌دایه ئێمه شته‌كه‌مان به‌سه‌ر دێت ئه‌وكاتى په‌شیمان ده‌بینه‌وه.. ئه‌ى بۆ له‌سه‌ره‌تاوه په‌شیمان نه‌بینه‌وه و به گوێى شه‌یتان نه‌كه‌ین و ساویلكه نه‌بین هه‌ر كه‌سێك بیه‌وێت یاریمان پىَ بكات به گوێى نه‌كه‌ین..
پاشان هه‌ڵسا چوو نامیلكه‌یه‌كى بۆ هێنام ووتى: ئه‌وه رِووداوێكه رِێك له‌و رِووداوه‌ى تۆ ده‌چێت، ئه‌وه بخوێنه‌وه ان شاء الله تا به یانى بیر ده‌كه‌ینه‌وه چاره‌یه‌ك ده‌دۆزینه‌وه.
قسه‌كانى ئه‌و كچه به‌رِاستى كارى گه‌رى تێكردم، رِاستى ئه‌كرد ئێمه‌ى كچان ئه‌وه‌نده به ساویلكه‌ى به دواى شته‌كان ده‌كه‌وین باشان كه تووشى كاره‌ساتێكى گه‌وره ئه‌وكات به‌شیمان ده‌بینه‌وه.. له‌وىَ هه‌ستام و هاتمه‌وه ماڵ تا نامیلكه‌كه بخوێنمه‌وه، ئه‌و نامیلكه‌ش هى براى به‌رِێز مامۆستا فه‌رمان نه‌جـار بوو به ناوى ((گه‌نجێك ئابرِوى پارستم)) كه ده‌ستم كرد به خوێندنى هه‌ر ئه‌وكاتى ته‌واوم كرد، ته‌واوم كرد زۆر په‌شیمان بوومه‌وه له‌و هه‌ڵه‌ى كردبووم، به‌لاَم له خوێندنه‌وه‌ى ئه‌و نامیلكه‌یه شتێك به مێشكم داهات، چووم ئه‌و شته‌ى به مێشكم داهات به‌و كچه‌ى جیرانمان بڵێم، كه چووم پێم ووت ئه‌ویش ووتى: منیش هه‌ر ئه‌و شته‌م به مێشك داهاتووه، ئه‌و شته‌ش ئه‌وه‌بوو ته‌له‌فۆن بۆ مه‌لا فه‌رمان بكه‌م بزانم چى ده‌ڵىَ، ئه‌و كچه‌ى جیرانمان ووتى: شتێكى باشه له‌وانه‌یه ئه‌و رِێگایه‌كت پێشاندات چوو ژماره‌كه‌ى بۆ په‌یا كردم.. ته‌له‌فۆنم بۆ م: فه‌رمان كرد زۆر به رِێزه‌وه وه‌لاَمى دامه‌وه.. پێم ووت نامیلكه‌یه‌كى تۆم خوێندۆته‌وه زۆر كارى تىَ كردم منیش كێشه‌یه‌كى له‌و چه‌شنه‌م به‌سه‌ر هاتووه، ئه‌وجا له‌سه‌ره‌تاوه تا كۆتاى هه‌موو كێشه‌كه‌ى خۆم بۆ باس كرد.. ئه‌ویش به‌و شێوه وه‌لاَمى دامه‌وه كه تۆمارم كردبوو
ووتى: خوشكم پێش هه‌موو شتێك به دڵێكى پاكه‌وه ته‌وبه‌یه‌كى رِاستگۆیانه بكـه، چونكه خواى گه‌وره زۆر پێى خۆشه به‌نده‌كانى ته‌وبه بكـه‌ن، به‌س بیرت نه‌چێت به دڵه‌وه بێت، دواى ئه‌وه‌ى به‌دڵه‌وه ته‌وبه‌ت كرد، پێت ده‌ڵێم دوو شت ئه‌نجام بده پشتیوان به خوا ئه‌م ناخۆشیه‌ت له‌سه‌ر لا ده‌چىَ:
1/ دره‌نگى شه‌و هه‌ڵسه و ده‌سنۆێژ بژۆره و شه‌و نوێژ بكه دواى نوێژه‌كه‌ت به زلیلى و چاوى فرمێسكه‌وه ده‌ستت به‌رز كه‌وه بۆ ئاسمان و دادا له خوا بكه ئه‌و ناخۆشیه‌ت له‌سه‌ر لابه‌رێت، چونكه ئه‌و كاته خودا دێته ئاسمانى دنیا ده‌فه‌رموىَ: كه‌س هه‌یه داوام لىَ بكا وه‌لاَمى بده‌مه‌وه.
2/ بگه‌رِىَ بزانه كه‌سێكى دڵسۆز و خواناس بدۆزه‌وه با برِوات ئه‌و كورِه به تووندى تهدید بكات و وێنه و ده‌نگه‌كانیشى لىَ بسه‌نێته‌وه.. پێشى بڵێت ئه‌گه‌ر یه‌ك شت بلاَوبێته‌وه ئه‌وه بۆ خۆى ده‌زانێت، چونكه ئه‌وانه‌ى ئه‌و كارانه ده‌كه‌ن زۆر بىَ وره و ترسنۆكن! به‌لاَم ته‌ئكیدى ده‌كه‌مه‌وه ئه‌و كه‌سه‌ى پێى ده‌ڵێى به ماناى كه‌لیمه دڵسۆز و خواناس بێت، نه‌ك خوانه‌كا كێشه‌كه‌ت لىَ ئاڵۆزتر بكات و ئیستغلالت بكات، به‌لاَم به‌رده‌وامبه له نزاكانى شه‌وانت و له بیرت نه‌چێت.
پاشان مامۆستا زۆر دوعاى خێرى بۆ كردم و خواحافیزى كرد.
منیش ئه‌و قسانه‌ى مامۆستا فه‌رمانم بۆ كچه‌كه‌ى جیرانه‌كه‌م گێرِایه‌وه ووتى: كه‌س ده‌ناسى پێى بڵێى؟
ووتم: نازانم..!!
ووتى: برِۆ پشوویه‌ك بده و بیر بكه‌وه سبه‌ینىَ ان شاء الله خوا ده‌رگایه‌ك ده‌كاته‌وه، به‌لاَم ئامۆژگاریه‌كانى مامۆستا (فه‌رمان)ت بیر نه‌چێت.
وه‌ك مامۆستا ووتى شه‌و دره‌نگ هه‌ستام و ده‌ستى په‌شیمانیم بۆ خوا به‌زر كرده‌وه و به گریانه‌وه داواى په‌شیمانى و یارمه‌تیم له خوا ده‌كرد، تا نوێژى به‌یانى به‌م شێویه به‌رده‌وام بووم، دواتر نوستم.
من نوستبووم به‌یانى سه‌عات نۆ ئه‌و كچه‌ى جیرانمان ته‌له‌فۆنى بۆ كردم ووتى: كه‌ست نه‌دۆزیه‌وه؟
ووتم: نه‌خیر.
ووتى: مژده‌ت لێبێت ئه‌وه‌ره كه‌سێكم دۆزیه‌ته‌وه.
به په‌له چووم، ووتم: كێیه ئه‌و كه‌سه؟
ووتى: پیاوى خوشكه‌كه‌م زاواكه‌مان ناوى هونه‌ره پیاوێكى تا بڵێى موسلمان وخواناس و دڵسۆزه، چۆن له خۆت دڵنیاى ئاواش له‌و دڵنیا به.
ووتم: ده‌ترسم.. ده‌ترسم كێشه‌كه‌م لىَ ئاشكرا بكات و ئابرِووم بچێت.. به رِاستى من هیچ متمانه‌م به پیاو نه‌ماوه.
ووتى: خوشكم ئه‌وه چى ده‌ڵێى!! بۆ وا ده‌زانى كاك هونه‌ره له‌و كه‌سانه‌یه تۆ دۆستایه‌تیت له‌گه‌ڵ كردوون!! پاشان واده‌زانى هه‌موو پیاوان وه‌ك یه‌كن!! ئاخر ئێمه بۆیه تووشى گرفتى وا ده‌بین چونكه به ساویلكه‌یى بۆ شته‌كان ده‌رِوانین.
كه دڵنیا بووم له قسه‌كانى ووتم: باشه پێى بڵىَ.
ته‌له‌فونى بۆ كاك هونه‌ره كرد دواى نیو كات ژمیر به په‌له هات، ته‌نها ئه‌و سێیه‌مان دانیشتبووین، ئه‌و كچه كێشه‌كه‌ى منى بۆ باس كرد و ووتى ده‌بێت بچى ئه‌و شتانه له‌و كوره بسه‌نیه‌وه.
كاك هونه‌ره كه‌مێك بىَ ده‌نگ بوو ئه‌وجا ووتى: تۆ مه‌وعیدى بدىَ له شوێنێك، پێى بڵىَ پاره‌كه‌م بۆ په‌یا كردى، منیش هاورِێه‌كى زۆر دڵسۆزم هه‌یه له‌گه‌ڵ ئه‌و ده‌چمه لاى كورِه‌كه ته‌مبه‌ریه‌ى ده‌كه‌ین.
ئه‌وه بوو ته‌له‌فۆنم بۆ كورِه‌كه كرد ووتم به‌یانى كاتژمیر ئه‌وه‌نده له فلان شوێن ئاماده‌به وێنه و شته‌كانیش له‌گه‌ڵ خۆت بێنه پاره‌كه‌م بۆ په‌یاكردووى.. ووتى باشه.
ژماره‌ى ته‌له‌فۆنه‌كه‌ی كوره‌كه‌شم دایه كاك هونه‌ره، بۆ به‌یانى كاك هونه‌ره له‌گه‌ڵ هاورێكه‌ى چووبوون نوكه‌یان بۆ كردبوو بینیبویان كورِه‌كه هه‌ڵى گرتبوو، ئه‌وانیش چووبونه لاى وتبوویان ئێمه براى ئه‌و كچه‌ین ئه‌گه‌ر به‌بىَ ده‌نگ ئه‌و مۆبایله‌ى خۆتامان ده‌ده‌یه باشه ئه‌گه‌ر نا ئه‌وه ده‌تكوتین و رِاپێچى پۆلیست ئه‌كه‌ین، كوره‌كه‌ش له ترسا مۆبایله‌كه‌ى پێدابوون، پێشیان ووتبوو یه‌ك شتیشت له‌وانه بلاَوكردبێته‌وه ئه‌وه بۆخۆت ده‌زانى!!
ئه‌وجا گه‌رِانه‌وه و مۆبایله‌كه‌ی له كورِه‌كه‌یان ساندبوو دایانه ده‌ستى ئه‌و كچه‌ى جیرانمان و ئه‌وان رِۆیشتن، ئه‌و كچه‌ش مۆبایله‌كه‌ى به من دا كه بینیم ئه‌و هه‌موو ده‌نگ و وێنه‌ى منى تیایه به گریانه‌وه به زه‌ویم دادا و وردم كرد، ئه‌و گرێیه‌ى له دڵم بوو بۆوه، وام ده‌زانى ئه‌و مردنه‌ى بۆخۆم دانابوو تیاى زیندوو بۆتمه‌وه، هه‌ر له‌وىَ له‌سه‌ر ده‌ستى ئه‌و كچه په‌یمانم به خوا دا كه له‌مه‌ودوا ببم به پالاَپۆش و ئیلتزام به دینه‌وه بكه‌م و ببمه خزمه‌ت كارێكى ئه‌م دینه.
ئێستاكه‌ش ئه‌وه ساڵێك به‌سه‌ر ئه‌و درووداوه تێپه‌ریووه ئیلتزامێكى چاكم به دینه‌وه هه‌یه و خزمه‌تى ئه‌و دینه ئه‌كه‌م، ئه‌گه‌ر خوا هیدایه‌تى نه‌دابام ئێستا من خۆم كوشتبوو چونكه رِێگایه‌كى ترم شك نه‌ده‌بر رزگارم بكات له‌و كێشه‌یه، به‌لاَم من دڵم مردبوو دواى ئه‌و هه‌فته‌یه زیندوو بۆوه به هیدایه‌ت.
من ئه‌و به‌سه‌رهاته‌ى ژیانى خۆم نووسیه‌ته‌وه ئه‌مه‌وێت تا هه‌موو ئافره‌تێكى ژیر په‌ندى لىَ وه‌رگرێت و رِیگاى من نه‌گرێت و تامى هیدایه‌تى خوا بزانێت.
له دوا ووته‌مدا داوا ده‌كه‌م له خوداى گه‌وره مامۆستا فه‌رمان نه‌جـار و ئه‌وانه‌ى بۆنه هۆى رِزگاربوونم له ئاگر، خودایه رِزگاریان بكه‌ى له ئاگر و به به‌هه‌شتیان شادیان بكه‌ى.. امـین
.kh6
من له كۆلێژ له به‌شى ئینگلیزى بووم، زۆر خۆم ماندوو ده‌كرد له خوێندن، كه هه‌موو كاته‌كانم ته‌رخان كردبوو بۆ خوێندن هه‌موو شتێكم له بیروهۆشى خۆم ده‌رهێنابوو ته‌نها خوێندن نه‌بێت.
هه‌ر بۆیه‌ش كاتێك له زانكۆ ده‌مبینى هه‌ندىَ له قوتابیان خوێندنیان به‌لاوه ناوه‌و خه‌ریكى عیشق بازین زۆرم پىَ سه‌یر بوو چۆن پشتیان له خوێندن كردووه و به دواى ئه‌و كاره بىَ هوودانه كه‌وتوون زۆرجاران هاورِێیه كچه‌كانم ده‌یانگوت: باشه تۆ بۆ ئاوا خۆت ماندوو ده‌كه‌ى!! بۆ خۆت به دوور گرتووه له جیهانى عیشق و ئه‌وین!! بۆ نایه‌ى ته‌نها بۆ جارێكیش بێت تامى ئه‌وین بكه‌یت ئه‌وكات ده‌زانى چه‌ند دابرِاوى له‌و خۆشى و تامه جوان و قه‌شه‌نگه!!
زۆر جاریش هه‌ر ئه‌و هاورِێه كچه‌كانم ده‌یانگوت: فلانه كورِ داواى لىَ كردووین كه په‌یوه‌ندى له‌گه‌ڵ ببه‌ستى.
به‌لاَم من زۆر به توندى داوا كه‌یانم رِه‌ت ده‌كرده‌وه، به‌رده‌وام بووم تاكو قۆناغى كۆتای زۆر به پوختى خوێندنى خۆم ته‌واو كرد، پاشانیش به مامۆستا دامه‌زرام، ئه‌و موچه‌یه‌ى وه‌ریشم ده‌گرت نیوه‌م ده‌دایه ماڵه‌وه ئه‌وه‌ى تریشم بۆ خۆم هه‌ڵده‌گرت یان به زێرِم ده‌دا چه‌ند ساڵێك به‌و شێوه به‌رده‌وام بووم له ده‌وامه‌كه‌م، تا ئه‌و رۆژه ره‌شه‌م به‌سه‌ر هات كه هه‌موو خۆشیه‌كانى لىَ كردم به یه‌ك پارچه له بىَ ئومێدى و فرمێسك و ناخۆشى، ئه‌ویش ئه‌وه بوو رِۆژێكیان یه‌كێك له هاورِێكانم كه مامۆستابوو له‌گه‌ڵم ته‌له‌فۆنى بۆ كردم ووتى: به‌یانى براكه‌م ژن دێنىَ حه‌زده‌كه‌م تۆش بێى بۆ ئاهه‌نگه‌كه منیش ووتم باشه، به‌یانى چووم بینیم ئاهه‌نگێكى گه‌وره‌یه و چه‌ندین كورِ و كچ تێكه‌ڵ ببوون هه‌ریه‌كه و جۆره جل وبه‌رگێكى له‌به‌ر كردبوو، هه‌ڵپه‌ركىَ و زه‌ماوه‌ندێكى زۆر گه‌رم ده‌ستى پێكرد.
چاوم به كورِێك كه‌وت زۆر به وردى له منى ده‌رِوانى، منیش بایه‌خم پىَ نه‌دا و چوومه ناو شایى و ده‌ستم كرد به هه‌ڵپه‌رِكىَ، بینیم ئه‌و كورِه‌ى سه‌یرى ده‌كردم هاته ده‌ستم ماوه‌یه‌ك له ده‌ستم ماوه، دواتر من له ناو شایى هاتمه ده‌ر پشوویه‌كم دا، ئینجا دیسان چوومه‌وه ناو شایى بۆ جارى دووه‌م دیسانه‌وه ئه‌و كورِه هاته‌وه ده‌ستم كاغه‌زێكى خسته ناو گیرفانم، ئه‌و كورِه به جۆرێك هه‌ڵس و كه‌وتى له‌گه‌ڵم ده‌كرد ده‌یویست سه‌رنجى من بۆ لاى خۆى رِابكێشێت.. دواى ئه‌وه‌ى ئاهه‌نگه‌كه ته‌واو بوو چوومه‌وه بۆ ماڵ، نامه‌كه‌م كرده‌وه نوسرابوو: من بۆ تۆ لێدراوم و ئه‌ویندارى تۆ بوومه حه‌زده‌كه‌م بێمه خوازبێنیت ئه‌گه‌ر رِازى ئه‌وه‌ش ژماره‌ى مۆبایله‌كه‌مه به بوون و نه‌بوون وه‌لاَمم بده‌وه، ئه‌وه‌ى رِاستى بێت من ئه‌و كورِه كه‌وتبووه دڵم بۆیه بۆ به‌یانى تۆله‌فۆنم بۆ كورِه‌كه كرد تاكو بزانم نیازى چى یه!!
ته‌له‌فۆنم بۆ كرد ئه‌ویش زۆر به گه‌رمى وه‌لاَمى دامه‌وه، ئه‌و جاره به جۆرێك قسه‌ى له‌گه‌ڵ كردم كه دڵى منى بۆ خۆى راكێشا.. بۆ به‌یانى ئه‌و ته‌له‌فۆنى بۆ كردمه‌وه و باسى له خۆشه‌ویستى خۆى بۆ من ده‌كرد و باسى ئه‌وه‌ى ده‌كرد كه ده‌بێته پیاوێكى باش بۆ من و من به‌خته‌وه‌ر ده‌كات.. ماوه‌ى مانگێك به‌و شێوه‌یه قسه‌مان ده‌كرد.. پاشان له په‌یوه‌ندى ته‌له‌فۆنى بوو به یه‌كتر بینین.. دواتر بوو به پیاسه.. چه‌ند جارێكیش وێنه‌مان پێكه‌وه ده‌گرت ده‌یووت به دایكم پیشان ده‌دم، ئه‌و په‌یوه‌ندییه به‌م شێوه چوار مانگى خایاند، من له‌و ماویه‌دا وام لێهات پرِ به دڵ ئه‌و كورِه‌م خۆش ده‌ویست زۆر جاریش پێم ده‌ووت: كه‌ى دێیه داوام ئه‌ویش هه‌ر جاره‌ى به بیانوویه‌ك خۆى ده‌دزیه‌وه لێم تا ئه‌و كاته‌ى رِۆژێكیان كاتژمێر هه‌شتى به‌یانى بوو ته‌له‌فۆنى بۆ كردم و ووتى: وه‌ره له‌مه‌وبه‌دوا چیتر چاوه‌رِوانى نه‌ما وه‌ره با گفتوگۆى كۆتایى بكه‌ین، من وام زانى ده‌ڵێت وه‌ره باسى ماره‌برِین بكه‌ین، چووم بۆلاى رِاسته‌وخۆ پێى ووتم: ده‌مه‌وێت بچمه هه‌نده‌ران پێویستم به نه‌وه‌ت وه‌ره‌قه دۆلار هه‌یه بۆم په‌یا بكـه، كه واى گووت زۆرم پێ سه‌یر بوو..
ووتم: بۆ من بۆت په‌یا بكـه‌م؟!
ووتى: كاتىَ گه‌یشتم دێمه‌وه دتخوازم و له‌گه‌ڵ خۆم ده‌تبه‌م.
ووتم: بیـر له شتى وا مه‌كه‌وه.. من یه‌ك دۆلارت ناده‌مىَ.. دیاره تۆ منت بۆ پاره ده‌ویست!!
هه‌ڵسام ویستم برِۆم، به‌لاَم ئه‌و به توورِه‌ى ده‌ستى گرتم ووتى: ده‌ته‌وێت ئاوا به ئاسانى برِۆى!! مۆبایله‌كه‌ى ده‌رهێنا ئه‌و قسانه‌ى كردبوومان هه‌مووى تسجیل كردبوو پێى
ووتم: ئه‌گه‌ر نه‌وه‌ت وه‌ره‌قه دۆلارم نه‌ده‌یه وێنه‌كانت به براكه‌ت ده‌دم و بلاَوى ده‌كه‌مه‌وه، ئه‌وجا هه‌ستاو رِۆى.
كه ئه‌وه‌م بیست هیچم پىَ نه‌كرا ته‌نها ئه‌وه نه‌بێت كه ده‌ست بكه‌م به گریان.. زۆر گریام.. به چاوى گریانه‌وه ئه‌وێم به جێهێشت و به‌ره‌و ماڵ گه‌رِامه‌وه.. حاڵم زۆر شپرزه بوو رِقم له هه‌موو شتێك ده‌بۆوه، هه‌ر بۆیه هه‌فته‌یه‌ك له ماڵ نه‌متوانى بێمه ده‌ره‌وه و بچمه ده‌وام.. دواى هه‌فته‌یه‌ك كورِه‌كه ته‌له‌فۆنى بۆ كردم ووتى: هه‌فته‌یه‌ك مه‌وعیدت ماوه ئه‌گه‌ر نه‌وه‌ت وه‌ره‌قه دۆلارم بۆ په‌یا نه‌كه‌ى ئه‌وه وێنه‌ى خۆت له‌سه‌ر مۆبایلى براكه‌ت و هه‌موو گه‌نجێك ده‌بینیه‌وه.
ئه‌و قسانه واى لێكردم بارى ده‌رونیم زۆر خراپ بوو، چه‌ندین جار بیرم له خۆكوشتن ده‌كرده‌وه و بیرم ده‌كرده‌وه بزانم چۆن خۆم بكوژم تا رِزگارم بێت له‌و كێشه‌یه، چوومه ده‌ره‌وه تاكو بچمه لاى دكتۆر له رِێگادا چاوم به‌و كچه‌ى جیرانمان كه‌وت له قوتابخانه ئه‌هاته‌وه، ئه‌و كچه له قۆناغى ئاماده‌ى بوو، ئه‌و كچه هه‌ر چه‌نده له من گجكه تربوو به‌لاَم كچێكى زۆر به‌دین و له خواترس و ژیربوو، منیى بینى له ئه‌حواڵى پرسیم سه‌یرى كردم بینى په‌شۆكاوم ووتى: ئه‌وه چیته؟
ووتم: هیچ نیه كه‌مێك دڵم تونده.
ئه‌و ده‌یزانى گرێیه‌كى گه‌وره له دڵمدایه بۆیه ووتى: به‌خوا وازت لێناهێنم تاكو ئه‌و گرفته‌ى خۆتم پىَ نه‌ڵێى.. به‌ڵكو بۆت چاره‌سه‌ر بكه‌م.
سه‌یری رِۆخساریم كرد ته‌نها پاكى و دڵسۆزیم له رِوخسارى ئه‌و كچه به‌دى ده‌كرد پێم ووت: كێشه‌ى من به تۆ چاره‌سه‌ر ناكرێت.. پێویست ناكات تۆش خه‌فه‌ت بار بكه‌م.. به‌لاَم ئه‌و هه‌ر سوور بوو له‌سه‌ر ئه‌وه‌ى پێى بڵێم، منیش ده‌مازانى ئه‌و ئه‌مان ده‌پارێزێت بۆیه كێشه‌كه‌ى خۆم بۆ باس كرد، كه‌مێك بىَ ده‌نك بوو پاشان ووتى: بابچینه ماڵى ئێمه قسه‌یه‌كى لىَ ده‌كه‌ین.
چوومه ماڵیان به‌رداخێك ئاوى بۆ هێنام و له به‌رانبه‌رم دانیشت و به رِوویه‌كى خۆشه‌وه به‌م شێوه كه‌وته قسه له‌گه‌ڵم: خوشكى به‌رِێزم ئه‌زانى خواى گه‌وره به‌رنامه‌یه‌كى بۆ مرۆڤ ناردووه هه‌ر له‌و به‌رنامه‌یه‌دا هه‌ر شتێك سوودى هه‌بێت بۆ مرۆڤ خودا فه‌رمانى پێداوه، هه‌ر شتێكیش زیانى هه‌بێت قه‌ده‌غه‌ى كردووه، ئینجا ئه‌گه‌ر بێت و مرۆڤ پابه‌ندى فه‌رمانه‌كانى خودا بێت ئه‌وه پارێزراو ده‌بێت، ئه‌وه‌تا پێغه‌مبه‌رى خۆشه‌ویستمان ده‌فه‌رموێ: سنووره‌كانى خوا بپارێزه خوداش تۆ ده‌پارێزێت، به‌لاَم داخى گرانم خه‌ڵكى به گوێى خودا ناكه‌ن، جا كاتێك لێیان ده‌قه‌ومێت ئه‌وكات دێن داوا له خوا ده‌كه‌ن و رووى تێده‌كه‌ن.. كاره‌ساته‌كه لێره‌دایه ئێمه شته‌كه‌مان به‌سه‌ر دێت ئه‌وكاتى په‌شیمان ده‌بینه‌وه.. ئه‌ى بۆ له‌سه‌ره‌تاوه په‌شیمان نه‌بینه‌وه و به گوێى شه‌یتان نه‌كه‌ین و ساویلكه نه‌بین هه‌ر كه‌سێك بیه‌وێت یاریمان پىَ بكات به گوێى نه‌كه‌ین..
پاشان هه‌ڵسا چوو نامیلكه‌یه‌كى بۆ هێنام ووتى: ئه‌وه رِووداوێكه رِێك له‌و رِووداوه‌ى تۆ ده‌چێت، ئه‌وه بخوێنه‌وه ان شاء الله تا به یانى بیر ده‌كه‌ینه‌وه چاره‌یه‌ك ده‌دۆزینه‌وه.
قسه‌كانى ئه‌و كچه به‌رِاستى كارى گه‌رى تێكردم، رِاستى ئه‌كرد ئێمه‌ى كچان ئه‌وه‌نده به ساویلكه‌ى به دواى شته‌كان ده‌كه‌وین باشان كه تووشى كاره‌ساتێكى گه‌وره ئه‌وكات به‌شیمان ده‌بینه‌وه.. له‌وىَ هه‌ستام و هاتمه‌وه ماڵ تا نامیلكه‌كه بخوێنمه‌وه، ئه‌و نامیلكه‌ش هى براى به‌رِێز مامۆستا فه‌رمان نه‌جـار بوو به ناوى ((گه‌نجێك ئابرِوى پارستم)) كه ده‌ستم كرد به خوێندنى هه‌ر ئه‌وكاتى ته‌واوم كرد، ته‌واوم كرد زۆر په‌شیمان بوومه‌وه له‌و هه‌ڵه‌ى كردبووم، به‌لاَم له خوێندنه‌وه‌ى ئه‌و نامیلكه‌یه شتێك به مێشكم داهات، چووم ئه‌و شته‌ى به مێشكم داهات به‌و كچه‌ى جیرانمان بڵێم، كه چووم پێم ووت ئه‌ویش ووتى: منیش هه‌ر ئه‌و شته‌م به مێشك داهاتووه، ئه‌و شته‌ش ئه‌وه‌بوو ته‌له‌فۆن بۆ مه‌لا فه‌رمان بكه‌م بزانم چى ده‌ڵىَ، ئه‌و كچه‌ى جیرانمان ووتى: شتێكى باشه له‌وانه‌یه ئه‌و رِێگایه‌كت پێشاندات چوو ژماره‌كه‌ى بۆ په‌یا كردم.. ته‌له‌فۆنم بۆ م: فه‌رمان كرد زۆر به رِێزه‌وه وه‌لاَمى دامه‌وه.. پێم ووت نامیلكه‌یه‌كى تۆم خوێندۆته‌وه زۆر كارى تىَ كردم منیش كێشه‌یه‌كى له‌و چه‌شنه‌م به‌سه‌ر هاتووه، ئه‌وجا له‌سه‌ره‌تاوه تا كۆتاى هه‌موو كێشه‌كه‌ى خۆم بۆ باس كرد.. ئه‌ویش به‌و شێوه وه‌لاَمى دامه‌وه كه تۆمارم كردبوو
ووتى: خوشكم پێش هه‌موو شتێك به دڵێكى پاكه‌وه ته‌وبه‌یه‌كى رِاستگۆیانه بكـه، چونكه خواى گه‌وره زۆر پێى خۆشه به‌نده‌كانى ته‌وبه بكـه‌ن، به‌س بیرت نه‌چێت به دڵه‌وه بێت، دواى ئه‌وه‌ى به‌دڵه‌وه ته‌وبه‌ت كرد، پێت ده‌ڵێم دوو شت ئه‌نجام بده پشتیوان به خوا ئه‌م ناخۆشیه‌ت له‌سه‌ر لا ده‌چىَ:
1/ دره‌نگى شه‌و هه‌ڵسه و ده‌سنۆێژ بژۆره و شه‌و نوێژ بكه دواى نوێژه‌كه‌ت به زلیلى و چاوى فرمێسكه‌وه ده‌ستت به‌رز كه‌وه بۆ ئاسمان و دادا له خوا بكه ئه‌و ناخۆشیه‌ت له‌سه‌ر لابه‌رێت، چونكه ئه‌و كاته خودا دێته ئاسمانى دنیا ده‌فه‌رموىَ: كه‌س هه‌یه داوام لىَ بكا وه‌لاَمى بده‌مه‌وه.
2/ بگه‌رِىَ بزانه كه‌سێكى دڵسۆز و خواناس بدۆزه‌وه با برِوات ئه‌و كورِه به تووندى تهدید بكات و وێنه و ده‌نگه‌كانیشى لىَ بسه‌نێته‌وه.. پێشى بڵێت ئه‌گه‌ر یه‌ك شت بلاَوبێته‌وه ئه‌وه بۆ خۆى ده‌زانێت، چونكه ئه‌وانه‌ى ئه‌و كارانه ده‌كه‌ن زۆر بىَ وره و ترسنۆكن! به‌لاَم ته‌ئكیدى ده‌كه‌مه‌وه ئه‌و كه‌سه‌ى پێى ده‌ڵێى به ماناى كه‌لیمه دڵسۆز و خواناس بێت، نه‌ك خوانه‌كا كێشه‌كه‌ت لىَ ئاڵۆزتر بكات و ئیستغلالت بكات، به‌لاَم به‌رده‌وامبه له نزاكانى شه‌وانت و له بیرت نه‌چێت.
پاشان مامۆستا زۆر دوعاى خێرى بۆ كردم و خواحافیزى كرد.
منیش ئه‌و قسانه‌ى مامۆستا فه‌رمانم بۆ كچه‌كه‌ى جیرانه‌كه‌م گێرِایه‌وه ووتى: كه‌س ده‌ناسى پێى بڵێى؟
ووتم: نازانم..!!
ووتى: برِۆ پشوویه‌ك بده و بیر بكه‌وه سبه‌ینىَ ان شاء الله خوا ده‌رگایه‌ك ده‌كاته‌وه، به‌لاَم ئامۆژگاریه‌كانى مامۆستا (فه‌رمان)ت بیر نه‌چێت.
وه‌ك مامۆستا ووتى شه‌و دره‌نگ هه‌ستام و ده‌ستى په‌شیمانیم بۆ خوا به‌زر كرده‌وه و به گریانه‌وه داواى په‌شیمانى و یارمه‌تیم له خوا ده‌كرد، تا نوێژى به‌یانى به‌م شێویه به‌رده‌وام بووم، دواتر نوستم.
من نوستبووم به‌یانى سه‌عات نۆ ئه‌و كچه‌ى جیرانمان ته‌له‌فۆنى بۆ كردم ووتى: كه‌ست نه‌دۆزیه‌وه؟
ووتم: نه‌خیر.
ووتى: مژده‌ت لێبێت ئه‌وه‌ره كه‌سێكم دۆزیه‌ته‌وه.
به په‌له چووم، ووتم: كێیه ئه‌و كه‌سه؟
ووتى: پیاوى خوشكه‌كه‌م زاواكه‌مان ناوى هونه‌ره پیاوێكى تا بڵێى موسلمان وخواناس و دڵسۆزه، چۆن له خۆت دڵنیاى ئاواش له‌و دڵنیا به.
ووتم: ده‌ترسم.. ده‌ترسم كێشه‌كه‌م لىَ ئاشكرا بكات و ئابرِووم بچێت.. به رِاستى من هیچ متمانه‌م به پیاو نه‌ماوه.
ووتى: خوشكم ئه‌وه چى ده‌ڵێى!! بۆ وا ده‌زانى كاك هونه‌ره له‌و كه‌سانه‌یه تۆ دۆستایه‌تیت له‌گه‌ڵ كردوون!! پاشان واده‌زانى هه‌موو پیاوان وه‌ك یه‌كن!! ئاخر ئێمه بۆیه تووشى گرفتى وا ده‌بین چونكه به ساویلكه‌یى بۆ شته‌كان ده‌رِوانین.
كه دڵنیا بووم له قسه‌كانى ووتم: باشه پێى بڵىَ.
ته‌له‌فونى بۆ كاك هونه‌ره كرد دواى نیو كات ژمیر به په‌له هات، ته‌نها ئه‌و سێیه‌مان دانیشتبووین، ئه‌و كچه كێشه‌كه‌ى منى بۆ باس كرد و ووتى ده‌بێت بچى ئه‌و شتانه له‌و كوره بسه‌نیه‌وه.
كاك هونه‌ره كه‌مێك بىَ ده‌نگ بوو ئه‌وجا ووتى: تۆ مه‌وعیدى بدىَ له شوێنێك، پێى بڵىَ پاره‌كه‌م بۆ په‌یا كردى، منیش هاورِێه‌كى زۆر دڵسۆزم هه‌یه له‌گه‌ڵ ئه‌و ده‌چمه لاى كورِه‌كه ته‌مبه‌ریه‌ى ده‌كه‌ین.
ئه‌وه بوو ته‌له‌فۆنم بۆ كورِه‌كه كرد ووتم به‌یانى كاتژمیر ئه‌وه‌نده له فلان شوێن ئاماده‌به وێنه و شته‌كانیش له‌گه‌ڵ خۆت بێنه پاره‌كه‌م بۆ په‌یاكردووى.. ووتى باشه.
ژماره‌ى ته‌له‌فۆنه‌كه‌ی كوره‌كه‌شم دایه كاك هونه‌ره، بۆ به‌یانى كاك هونه‌ره له‌گه‌ڵ هاورێكه‌ى چووبوون نوكه‌یان بۆ كردبوو بینیبویان كورِه‌كه هه‌ڵى گرتبوو، ئه‌وانیش چووبونه لاى وتبوویان ئێمه براى ئه‌و كچه‌ین ئه‌گه‌ر به‌بىَ ده‌نگ ئه‌و مۆبایله‌ى خۆتامان ده‌ده‌یه باشه ئه‌گه‌ر نا ئه‌وه ده‌تكوتین و رِاپێچى پۆلیست ئه‌كه‌ین، كوره‌كه‌ش له ترسا مۆبایله‌كه‌ى پێدابوون، پێشیان ووتبوو یه‌ك شتیشت له‌وانه بلاَوكردبێته‌وه ئه‌وه بۆخۆت ده‌زانى!!
ئه‌وجا گه‌رِانه‌وه و مۆبایله‌كه‌ی له كورِه‌كه‌یان ساندبوو دایانه ده‌ستى ئه‌و كچه‌ى جیرانمان و ئه‌وان رِۆیشتن، ئه‌و كچه‌ش مۆبایله‌كه‌ى به من دا كه بینیم ئه‌و هه‌موو ده‌نگ و وێنه‌ى منى تیایه به گریانه‌وه به زه‌ویم دادا و وردم كرد، ئه‌و گرێیه‌ى له دڵم بوو بۆوه، وام ده‌زانى ئه‌و مردنه‌ى بۆخۆم دانابوو تیاى زیندوو بۆتمه‌وه، هه‌ر له‌وىَ له‌سه‌ر ده‌ستى ئه‌و كچه په‌یمانم به خوا دا كه له‌مه‌ودوا ببم به پالاَپۆش و ئیلتزام به دینه‌وه بكه‌م و ببمه خزمه‌ت كارێكى ئه‌م دینه.
ئێستاكه‌ش ئه‌وه ساڵێك به‌سه‌ر ئه‌و درووداوه تێپه‌ریووه ئیلتزامێكى چاكم به دینه‌وه هه‌یه و خزمه‌تى ئه‌و دینه ئه‌كه‌م، ئه‌گه‌ر خوا هیدایه‌تى نه‌دابام ئێستا من خۆم كوشتبوو چونكه رِێگایه‌كى ترم شك نه‌ده‌بر رزگارم بكات له‌و كێشه‌یه، به‌لاَم من دڵم مردبوو دواى ئه‌و هه‌فته‌یه زیندوو بۆوه به هیدایه‌ت.
من ئه‌و به‌سه‌رهاته‌ى ژیانى خۆم نووسیه‌ته‌وه ئه‌مه‌وێت تا هه‌موو ئافره‌تێكى ژیر په‌ندى لىَ وه‌رگرێت و رِیگاى من نه‌گرێت و تامى هیدایه‌تى خوا بزانێت.
له دوا ووته‌مدا داوا ده‌كه‌م له خوداى گه‌وره مامۆستا فه‌رمان نه‌جـار و ئه‌وانه‌ى بۆنه هۆى رِزگاربوونم له ئاگر، خودایه رِزگاریان بكه‌ى له ئاگر و به به‌هه‌شتیان شادیان بكه‌ى.. امـین
.kh6
» په‌رده‌ی كچێنی چییه؟ جۆره ناباوه‌كانی په‌رده‌ی كچێنی، لابردنی په‌رده‌ی كچێنی ... سه‌ره‌تای ژیانیكی نوێ؟ ....هتد
» هیچ کات کۆمپیوتەرەکەت فۆرمات مەکە!!
» ماڵپه‌رێك بۆ وه‌رگێران زیاتر له 50 زمان
» ئه م سايته تايبه ته به يارى
» له (چین) گۆشتی مرۆڤ هه‌یه و ئه‌فرۆشرێت + 18
» وينه يه كى ناخ ته زين
» ئه وكوره ى به هوى به يداكردنى 5 هه زار دينار بو بزيوى زينى توشى جيهات
» انتى فايروسى اتورن