تاتڵیساس ژیانی‌ هاوسه‌رگیریی‌ پێكده‌هێنێت

به‌گوێره‌ی‌ هه‌واڵێكی‌ (ئوچان كوش)ی‌ توركی، ئیبراهیم تاتڵیساس هونه‌رمه‌ندی‌ به‌ناوبانگ، كه‌مێك پێش ئێستا له‌و نه‌خۆشخانه‌یه‌ی‌ كه‌ چاره‌سه‌ری‌ تێدا ده‌بینێت، ژیانی‌ هاوسه‌رگیریی‌ له‌گه‌ڵ خۆشه‌ویسته‌كه‌ی‌ ئایشه‌گیول یڵدز پێكهێنا
به‌گوێره‌ی‌ هه‌واڵه‌كه‌، شاهیده‌كانی‌ تاتڵیساس بریتی بوون له‌هه‌ریه‌كه‌ له‌ (یوكسێل چاغڵار)ی‌ بازرگانی‌ به‌ناوبانگ‌و (فاتیح تێریم)ی‌ ڕاهێنه‌رو وه‌رزشكاری‌ به‌ناوبانگی‌ توركیا
جێی‌ وه‌بیرهێنانه‌وه‌یه‌، دوای‌ جیابوونه‌وه‌ی‌ تاتڵیساس له‌گه‌ڵ (ده‌ریا تونا)، له‌و كاته‌وه‌ تائێستا، په‌یوه‌ندی‌ خۆشه‌ویستی‌ له‌نێوان تاتڵیساس‌و ئایشه‌گیولدا هه‌یه‌‌و ئه‌مشه‌و چوونه‌ ژیانی‌ هاوسه‌رگیرییه‌وه‌
سه‌باره‌ت به‌باری‌ ته‌ندروستیشی‌ پزیشكه‌كان باسیان له‌وه‌كردووه‌، كه‌ باری‌ ته‌ندروستی‌ تاتڵیساس زۆر باشه‌و ڕۆژ له‌دوای‌ ڕۆژ، به‌ره‌و باشتربوون ده‌ڕوات‌و هیچ مه‌ترسییه‌ك له‌سه‌ر ژیانی‌ نه‌ماوه‌
--------------------------------------------------------------------------------