جگه‌ره‌كێشان كاریگه‌ری‌ خراپی‌ له‌سه‌ر بیره‌وه‌ریی‌ هه‌یه‌

ڕۆژنامه‌ی‌ (ده‌یلی‌ مه‌یل)ی به‌ریتانی، له‌زاری چه‌ند زانایه‌كی‌ زانكۆی‌ (ورسامبریا)وه‌ بڵاویكرده‌وه‌، توێژینه‌وه‌یه‌كیان ئه‌نجامداوه‌و گه‌یشتوونه‌ته‌ ئه‌و ڕاستیه‌یی‌، كه‌ جگه‌ره‌كێشه‌كان ڕۆژانه‌ نزیكه‌ی‌ یه‌ك له‌سه‌ر سێی‌ بیره‌وه‌رییه‌كان مرۆڤ له‌ده‌ست ده‌دات، به‌ڵام به‌ته‌ركدانی، هه‌مان ئه‌و توانایه‌یان بۆ ده‌گه‌ڕێته‌وه‌، وه‌ك كه‌سێك كه‌ جگه‌ره‌ی‌ نه‌كێشابێت. لێكۆڵینه‌وه‌كه‌ له‌گه‌ڵ 70 كه‌سدا ئه‌نجامدراوه‌، كه‌ ته‌مه‌نیان له‌نێوان 18 بۆ 25 ساڵدا بوو، داوایان لێكراوه‌ به‌وردیی‌ چه‌ند كارێك به‌بیربێننه‌وه‌ كه‌ پێشتر له‌چه‌ند كاتێكی‌ جۆراوجۆردا كردبوویان، بیره‌وه‌یی‌ جگه‌ره‌كێشه‌كان زۆرخراپ بوو، به‌جۆرێك كه‌ توانییان ته‌نها 59%ی‌ كاره‌كانیان بیربكه‌وێته‌وه‌، له‌به‌رامبه‌ردا ئه‌وانه‌ی‌ كه‌ وازیان له‌جگه‌ره‌كێشان هێنابوو، له‌سه‌دا سه‌د كاره‌كانی كه‌ داوایان لێكرابوو وه‌بیریان بێته‌وه‌، ئه‌وانه‌شی‌ جگه‌ره‌كێش نه‌بوون توانییان به‌ڕێژه‌ی 81% ڕابردوویان بیربێته‌وه‌. (تۆم هێڤیران) كه‌ سه‌رپه‌رشتیاریی‌ ئه‌و لێكۆڵینه‌وه‌یه‌ بوو ده‌ڵێت:"ئه‌م ئه‌نجامانه‌ زۆر سوودمه‌ندن له‌هه‌ڵمه‌ته‌كانی‌ دژ به‌جگه‌ره‌كێشان"، ئه‌و پێی‌ وایه‌ به‌بوونی‌ نزیكه‌یی‌ 10 ملیۆن جگه‌ره‌كێش له‌به‌ریتانیاو نزیكه‌ی‌ 45 ملیۆن له‌ویلایه‌ته‌ یه‌كگرتووكانی‌ ئه‌مریكا، زۆر گرنگه‌ له‌و زیانانه‌ی‌ جگه‌ره‌كێشان شاره‌زا ببین، كه‌ تووشی‌ بیره‌ورییه‌كانی‌ مرۆڤ ده‌بێت‌و كاره‌كانی‌ لاواز ده‌كات، له‌وه‌ش گرنگتر ئه‌وه‌یه‌ كه‌ به‌ته‌رككردنی‌ جگه‌ره‌كێشان، بیره‌وه‌رییه‌كان ده‌گه‌ڕێنه‌وه‌ دۆخی‌ جارنیان‌و بگره‌ باشتریش