ڕێگایه‌كی‌ نوێ‌ بۆ شه‌حنكردنه‌وه‌ی‌ مۆبایل

دیزاینه‌رێكی‌ فه‌ره‌نسی‌ له‌داهێنانێكی‌ كه‌م وێنه‌دا، توانی‌ دارێكی‌ پلاستیكی‌ دروستبكات بۆ شه‌حنكردنی‌ مۆبایل. گۆڤاری‌ (نه‌وره‌ت) بڵاویكرده‌وه‌، (فیفان موله‌ر) دیزاینه‌ری‌ ئه‌و داره‌ پلاستیكیه‌ ڕایگه‌یاندووه‌، بیرۆكه‌ی‌ ئه‌و داهێنانه‌ی‌ له‌وه‌وه‌ سه‌رچاوه‌ی‌ گرتووه‌، كه‌ دار له‌سروشتدا گه‌ردیله‌كانی‌ خۆر به‌لای‌ خۆیدا ڕاده‌كێشێت‌و ده‌یكاته‌ سه‌رچاوه‌ی‌ گه‌شه‌كردنی‌

فیفان ئاشكراشیكرد، ئه‌و كاره‌ی‌ سێ‌ ساڵی‌ خایاندووه‌‌و ئامێره‌كه‌ به‌هاوڕێ‌ ژینگه‌ش داده‌نرێت، چونكه‌ هیچ زیانێكی‌ نییه‌و شێوه‌یه‌كی‌ جوانیشی‌ هه‌یه‌

ئه‌و داره‌ له‌ (27) خانه‌ی‌ سیلكۆنی‌ خۆری‌ نه‌رم پێكدێت، كه‌ ده‌توانێت به‌شێوه‌یه‌كی‌ خێرا گه‌ردیله‌كانی‌ خۆر به‌لای‌ خۆیدا ڕابكێشێت، به‌رزیه‌كه‌شی‌ ته‌نیا (40) سانتیمه‌تره‌

ئه‌و داهێنانه‌ نوێیه‌، ده‌توانرێت وه‌ك جوانكاری‌ له‌ناوماڵ‌و شوێنی‌ كاركردندا دابنرێت، چونكه‌ شێوه‌یه‌كی‌ جوانی‌ هه‌یه‌و له‌هه‌مان كاتیشدا مۆبایله‌كه‌ت بارگاوی‌ ده‌كاته‌وه‌، نرخی‌ ئه‌و ئامێره‌ش (370) دۆلاره‌
--------------------------------------------------------------------------------