توێژه‌ران: شووتى پاڵه‌په‌ستۆى خوێن كه‌م ده‌كاته‌وه‌

توێژه‌رانى ئه‌مريكا له‌ ميانه‌ى لێكۆلينه‌وه‌يه‌كى تازه‌دا ئاشكرايان كردووه‌ ، كه‌ شووتى به‌هۆى بوونى پێكهاته‌يه‌ك تێيدا ، يارمه‌تى كه‌مكردنه‌وه‌ى پاڵه‌په‌ستۆى خوێن ده‌دات .
هه‌ردوو دكتۆر ئه‌رتورو فيگيروا و بهرام ئه‌رگمندى له‌ زانكۆى فلۆريدا ده‌لێن" شووتى له‌ ترشي ئه‌مينى پێكهاتووه‌ كه‌ يارمه‌تى چاڵاككردنى كارى خوێنبه‌ره‌كان و كه‌مكردنه‌وه‌ى پاڵه‌په‌ستۆى خوێن ده‌دات له‌ناو شاخوێنبه‌رى سه‌ره‌كيدا .

فيگيروا ئاماژه‌ى به‌وه‌دا كه‌ شووتى ده‌وله‌مه‌نده‌ به‌ سه‌رچاوه‌ى سروشتى خۆراكى ترشي ئه‌مينى پێويستى جه‌سته‌ ، به‌تايبه‌ت ترشي نتريكى پێويست ، كه‌ تايبه‌ته‌ ڕێكخستنى كارى خوێنبه‌ره‌كان و گره‌نتى سه‌لامه‌تى ته‌ندروستى فشارى خوێن .


هه‌روه‌ها لێكۆلينه‌وه‌يه‌كى پێشووترى ئه‌مريكى ئاشكراى كردبوو ، كه‌ خواردنى شووتى سوودێكى گه‌وره‌ به‌ تواناي *** ي پياوان ده‌گه‌ينێت ، ئه‌مه‌ش به‌هۆى بوونى ماده‌يه‌ك له‌ شووتيدا ، كه‌ هه‌مان سوودى حه‌بي ڤياگاراى هه‌يه‌ ، كه‌ ئه‌م حه‌به‌ پياوان له‌ بوارى چاره‌سه‌رى لاوازى *** دا به‌كارده‌هێنن .

زانايان له‌ زانكۆى تكساسى ئه‌مريكى ئاماژه‌يان به‌وه‌دا كه‌ ميوه‌ى شووتى له‌ چه‌ند ماده‌يه‌كى سروشتى وه‌كۆ "ليكۆبين" و "بيتا كارۆتين" پێكهاتووه‌ ، بۆيه‌ كاريگه‌ريه‌كى ئيجابي هه‌يه‌ له‌سه‌ر چالاككردنى ته‌ندروستى تاكه‌ كه‌س .

دكتۆر بيهمۆ باتيل به‌ڕێوه‌به‌رى لێكۆلينه‌وه‌كه‌ ده‌لێت" توێكڵي ده‌ره‌وه‌ى شووتى له‌ ماده‌ى "سيترۆلين" پێكهاتووه‌ ، كه‌ يارمه‌تى هه‌ندێ ئه‌نزيمه‌كانى ترشي "ئه‌مينى ئه‌رجنين" ده‌دات ، ئه‌مه‌ش كاريگه‌ريه‌كى ئيجابي له‌سه‌ر ته‌ندروستى دڵ و مۆلۆله‌كانى خوێن هه‌يه‌ ، وه‌ پارێزگارى له‌ كۆئه‌ندامى به‌رگرى ده‌كات .

باتيل ئاماژه‌ى به‌وه‌دا كه‌ شووتى يارمه‌تى زياتر پاڵنانى خوێن ده‌دات له‌ناو خوێنبه‌ره‌كاندا .
هه‌روه‌ها شووتى به‌سووده‌ بۆ ئه‌و پياوانه‌ى كه‌ به‌هۆى هه‌ندێ هۆكارى ده‌روونى يان فسيۆلۆجى ، تووشي حاله‌تى نه‌زۆكى ده‌بنه‌وه‌ .