گۆگڵ کەناڵێکي ئاسماني ده‌كاته‌وه‌

ئيريك شميت بەڕێوەبەري کۆمپانياي گۆگڵ رايگه‌ياند" له‌ ئاينده‌يه‌كي نزيكدا کەناڵێکي ئاسماني ده‌كاته‌وه‌و بڕيارە لە سەرەتاي مانگي تشريني يەکەمي ئەمساڵ لە ئەمەريکا و له‌ ساڵي ئايندەش لە وڵاتاني ئەورووپا كه‌ناڵه‌كه‌ دەست بە پەخشي خۆي بکات.
له‌ لێدوانێكيدا بۆ ئاژانسي رۆيتەرز ،بەڕێوەبەري کۆمپانياي گۆگڵ رايگه‌ياند" کەناڵێکي تايبەت بە گۆگڵ لە ئەوروپا و ئه‌مريكا ده‌كه‌ينه‌وه‌ .

وتيشي" ئەو کەناڵە نوێيەي گۆگڵ ئەو هەلە بۆ بەکاربەراني دەڕەخسێنێت، تا بتوانن ئاگاداري ناوەڕۆکي ماڵپەرەکان بن و کەناڵە تەلەفيزيۆنييەکانيش لە رێگه‌ي گه‌ڕانه‌وه‌ بەکاربێنن .

راشيگه‌ياند" كردنه‌وه‌ى ئه‌و كه‌ناله‌ ده‌بێته‌ ده‌روازه‌يه‌ك تاكو به‌كاربه‌رانى به‌ شێوه‌يه‌كى ئاسانتر له‌ ته‌كنه‌لۆژياى سه‌رده‌م و هه‌وال و داهێنانه‌ تازه‌كانى كۆمپانياى گۆگل ئاگاداربن و به‌و هۆيه‌وه‌ زياتر خه‌لكى به‌ كارو چالاكيه‌كانى كۆمپانياكه‌ ئاشنا ده‌بن .