هاووڵاتییه‌كی ئێرانی به‌ چه‌په‌ڵترین مرۆڤی جیهان له‌قه‌ڵه‌مده‌درێت

ئارێز ئه‌حمه‌د – ئێران ،، مامۆ حاجي پيره‌پياوێكي دانيشتووي گوندي "دژگاه‌" سه‌ر به‌ قه‌زاي "فه‌راشبه‌ند" له‌ پارێزگاي شيراز له‌ ناوه‌ندي ئێرانه‌.
ئه‌و پياوه‌ ده‌يان ساڵه‌ خۆي نه‌شوشتووه‌ و ده‌ڵێت ئه‌گه‌ر پاك و خاوێن ببمه‌وه‌ تووشي نه‌خۆشي ده‌بم! ره‌نگي پێستي ئه‌و پياوه‌ به‌هۆي بووني چه‌په‌ڵي ره‌ش بوه‌ته‌وه‌.

ئه‌و پياوه‌ هيچ جۆره‌ خۆراك يان خواردنه‌وه‌يه‌كي خاوێن و ته‌ندروست ناخوات و زۆرتر ته‌رمي ئاژه‌ڵاني مرداربوو و ئاوي چه‌په‌ڵي رووباره‌كان ده‌خواته‌وه‌.

دانيشتواني ئه‌و گونده‌ ده‌ڵێن: جار جار ميوه‌و گۆشتي مريشك و خۆراكي ته‌ندروستي بۆ ده‌به‌ين ، به‌ڵام بينيومانه‌ گۆشتي مريشكه‌كه‌ له‌ناو چاڵێكدا ده‌شارێته‌وه‌و پاش چه‌ند رۆژ گۆشته‌كه‌ ده‌هێنێته‌ ده‌ر و به‌نيوه‌ كوڵي ده‌يخوات .

ئه‌و پياوه‌ له‌ خوارووي گونده‌كه‌ و له‌ پاڵ ژماره‌يه‌ك سه‌گ ژيان به‌سه‌ر ده‌بات.
ktv