به‌رشلۆنه‌ و پۆرتۆ ركابه‌رى له‌سه‌ر نازناوى جامى سوپه‌رى ئه‌ورووپا ده‌كه‌ن

كاتژمێر نۆو چلوپێنج خوله‌كى سبه‌ى شه‌و به‌ كاتى هه‌ولێر یارى جامى سوپه‌رى ئه‌وڕوپا له‌ یاریگاى لویسى دووه‌م له‌ شارى مۆناكۆى فه‌ڕه‌نسى له‌ نێوان هه‌ردوو یانه‌ى به‌رشلۆنه‌ى ئیسپانى و پۆرتۆى پورتوگالى به‌ڕێوه‌ده‌چێت، به‌رشلۆنه‌ى پاڵه‌وانى وه‌رزى ڕابردووى خولى یانه‌ پاڵه‌وانه‌كانى ئه‌وڕوپا به‌و ئومێده‌یه‌ بۆ چواره‌م جار له‌ مێژووى خۆى نازناوى جامى سوپه‌رى ئه‌وڕوپا به‌ده‌ست بێنێت و به‌ چواره‌م نازناوى ئه‌م وه‌رزه‌ شاد بێت، له‌م یاریه‌دا هه‌ردوو به‌رگریكارى به‌رشلۆنه‌ كارلۆس پویۆل و جیرار پیكێ به‌هۆى پێكان به‌شدارى ناكه‌ن، له‌و لاشه‌وه‌ یانه‌ى پۆرتۆ كه‌ نازناوى وه‌رزى ڕابردووى یۆرۆپا لیگى به‌ده‌ستهێنا هه‌موو هه‌وڵه‌كانى ده‌خاته‌ گه‌ڕ تا به‌ربه‌ستێك له‌به‌رده‌م یاریزانانى به‌رشلۆنه‌ پێكبهێنێت و نازناوى جامى سوپه‌رى ئه‌وڕوپا ده‌سته‌به‌ر بكات.

هه‌ردوو یانه‌ له‌ مێژووى به‌یه‌ك گه‌یشتنه‌كانیاندا حه‌وت جار له‌ یاریگاى بێلایه‌ن ڕوو به‌ ڕووى یه‌كتر بوونه‌ته‌وه‌، كه‌ به‌رشلۆنه‌ له‌ چوار یارى دا سه‌ركه‌وتنى به‌ده‌ستهێناوه‌و پۆرتۆش بردنه‌وه‌ى له‌ سێ یاریه‌كه‌ى دیكه‌دا تۆماركردووه‌ .