گه‌نجێکی چینی به‌ پایسکیل له‌ چینه‌وه‌ گه‌یشته‌ به‌ریتانیا

ژینگ شێنگ، گه‌نجێکی چینی ته‌مه‌ن بیست و سێ سالانه‌ و ده‌رچووی کۆلێژه‌، له‌ شاری شانگهای با سواری پایسکیل چوارده‌ هه‌زار کیلۆمه‌تری بری و گه‌یشته‌ شاری له‌نده‌نی پایته‌ختی به‌ریتانیا.

له‌و کاته‌ی ژینگ، داوای یارمه‌تی له‌ ماڵه‌وه‌ و برادارانی کرد بۆ ئه‌وه‌ی یارمه‌تی دارایی پیشکه‌ش بکه‌ن و خانه‌واده‌که‌ی و براداره‌کانی ئه‌و گه‌نجه‌یان به‌ شێت له‌ قه‌ڵه‌مدا و گوتیان که‌ ناتوانی کارێکی وا سه‌خت بکه‌یت، به‌ڵام هه‌رچۆنێک بێت ژینگ توانی (2) هه‌زار دۆلاری ئه‌مه‌ریکی کۆبکاته‌وه‌، بۆ خه‌رجی رێگا و بان، چونکه‌ پێوسیتی به‌ پاره‌ بوو و ماوه‌ی چه‌ند مانگێک له‌ رێگا ده‌مایه‌وه‌ و دوای ئه‌وه‌ی پاره‌ی پێویستی کۆکرده‌وه‌، به‌ سواری پاسکیل و دوای برینی (14) هه‌زار کیلۆمه‌تر و هه‌روه‌ها برینی (11) ولاتی جیاجیا، به‌ (136) رۆژ گه‌یشته‌ له‌نده‌ن و خه‌ونه‌که‌ی هاته‌ دی.

جێگه‌ی باسه‌، ژینگ له‌ گه‌شته‌که‌یدا رۆژانه‌ سه‌د کیلۆمه‌تری ده‌بری و هه‌روه‌ها یازده‌ ولاتی بری له‌وانه‌ چین و کازاخستان و رووسیا و لاتیڤیا و لیتوانیا و پۆڵه‌ندا و ئه‌ڵمانیا و هۆله‌ندا و به‌لجیکا و فه‌ره‌مسا و به‌ریتانیا.