به‌بۆنه‌ى وه‌ده‌ستهێناني پله‌ى سێيه‌م له‌سه‌ر ئاستي عێراق وه‌زيرى په‌روه‌رده

وه‌زيرى په‌روه‌رده‌ خه‌ڵاتي رێزلێنان پێشكه‌ش به‌ هه‌ڵبژارده‌ى گۆڕه‌پان و مه‌يداني هه‌ولێر ده‌كات ئه‌مڕۆ يه‌كشه‌ممه‌ 7/8/2011 سه‌فين موحسين دزه‌يي وه‌زيرى په‌روه‌رده‌ پێشوازي له‌شاندي هه‌ڵبژارده‌ى هه‌ولێر بۆ يارييه‌كانى گۆڕه‌پان و مه‌يدان كردو،
خه‌ڵاتي رێزلێناني پێشكه‌ش كردن به‌بۆنه‌ى وه‌ده‌ستهێناني پله‌ى سێيه‌م له‌سه‌ر ئاستى 18 پارێزگاى عێراقدا.

شانده‌كه‌ پێكهاتبوو له‌ ياريزاناني هه‌ڵبژارده‌كه‌ به‌ياوه‌رى سه‌رتيپ فاريق حه‌سه‌ن سه‌رۆكي شاندو مومتاز ئه‌حمه‌د به‌ڕێوه‌به‌رى كارگێڕى و هه‌ر سێ راهێنه‌ر رێبوار محيه‌دين و ڕه‌عد عه‌بدولڵا و سه‌عيد محه‌مه‌د.

سه‌فين دزه‌يي ده‌ستخۆشي له‌ هه‌ڵبژارده‌كه‌ كرد به‌بۆنه‌ى وه‌ده‌ستهێناني پله‌ي سێيه‌م له‌سه‌ر ئاستى هه‌موو عێراقدا، وێڕاي وه‌ده‌ستهێناني چه‌ندين ميداليا له‌سه‌ر ئاستى كيشوه‌ري ئاسيا.

وه‌زيرى په‌روه‌رده‌ دووپاتيشي كرده‌وه‌، وه‌رزش لايه‌نێكي گرنگي پێشكه‌وتني گه‌لانه‌و له‌ رۆژى ئه‌مڕۆماندا وه‌رزش بۆته‌ زمانێكي جيهاني بۆ پێناسه‌ى گه‌ل و نه‌ته‌وه‌كان بۆيه‌ ئه‌م ده‌ستكه‌وته‌ى هه‌ڵبژارده‌ى گۆڕه‌پان و مه‌يداني هه‌ولێر جێگه‌ى ده‌ستخۆشييه‌.


له‌لايه‌ن خۆيه‌وه‌ سه‌رتيپ فاريق حه‌سه‌ن به‌ناوي هه‌ڵبژارده‌كه‌ سوپاسي وه‌زيرى په‌روه‌رده‌ى كردو دووپاتي كرده‌وه‌ كه‌ پێشوازي و رێزلێناني وه‌زيرى په‌روه‌رده‌ زياتر هاني هه‌ڵبژارده‌كه‌ ده‌دات بۆ داهێنان و ده‌ستكه‌وتي وه‌رزشي زياتر له‌به‌رژه‌وه‌ندي گه‌لي كوردستاندا، به‌تايبه‌تيش كه‌ ته‌واوي ياريزانان قوتابي و خوێندكارن.
KTV ...