دڵ خاپوورە ئەمشـــــەو

لە غەم شاری دەروون مەعموورە ئەمشەو
بناغەی مــــــوڵکی دڵ خاپوورە ئەمشـــــەو
ڕەوانســـــــــــەر بوو لە زێدی من فەرەنگی
لە بەردەرگای ڕەقیب مەسروورە ئەمشــەو
ئەمن فەرهاد و شـــــاهید بێســـــــــتـوونە
ئەتۆ شیرین، شەماڵ شاپوورە ئەمشــــەو
لە وەصــڵت مــــــــەنزیلی دوورکەوتەوە دڵ
دوو صەد مەنزیل لە شادی دوورە ئەمشەو
بـــــــــرا گیـــان ،گیــان و تۆ ،گیان ئەلویدایە
هەوای کۆی تۆ و دیگەر مەستوورە ئەمشەو
بــــە موژدەی وەصڵی تۆ دڵ شاد بێ حەقیە
کە هەر وەک حاکمی مەغدوورە ئەمشـــەو
لە من نافکرێ ئەغیـــــار ئەی چ گــــــەوجە
بە وەصڵی لوطفی تۆ مەغروورە ئەمشــەو
لە تاو ئاســــکۆڵە ڕەوتی چاو شـــــەهێنم
دڵ بە ئاهـ و واز و چاو بێ نورە ئەمشــەو
لە صوبحی عید و شەوقی مانگەشەو ئاخ
لە بــــەختی من وەها دەیجوورە ئەمشەو
بە حـــاضرباشی، فەوجی غوصصە ناڵەم
وەکـــو زیلەی (ئەوەڵ شیپوور)ە ئەمشەو
لە ناڵین مەنعی (کوردی) مەحضی کوفرە
فەقیر و نناخۆش و مەعزوورە ئەمشـــەو
~~~

مانای هه‌ندێك ووشه‌

مەعموور/ئاوەدان
خاپوور/وێران
رەوانسەر/پارێزگای کرماشانە لە نێوان ماهیدەشت و جوانرۆ دایە
زێد/نیشتیمان
فەرەنگی/فەرەنسی یا ئەوروپی
مەنزیلی/شوێنەوار
گیان ئەلویدا/لێک جوێبونەوەی گیان واتە جیا بونەوەی من و تۆ وەک جیابونەوەی گیان
کۆی/شوێن
دیگەر/ئیتر
مەستوورە/شاردراوە..لەوانەشە مەبەستی مەستوورەی ئەردەڵانی بوبێ
مەغدوور/ستەم لێکراو
نافکێ/بیر ناکاتەوە
ئەغیار/بێگانە
لوطف/چاودێری،لاواندنەوە،دڵسۆزی
مەغروور/لە خۆبایی
ئاسکۆڵە/بێچوە ئاسک
شەهێن مەلێکی چاو جوانە
ئاهو واز/مەبەست لە خیرایی ئاسکە
دەیجوور/تاریک و نوتەک
حاضرباش/ئامادە بە
غوصصە/پیش خواردنەوە،خەم خواردن
زیلە/دەنگێکی تیژ و باریکە کە لەسەرەتای دەربرینی دەنگی مۆسیقا یان مەقام دا دەبیسترێ
شەیپوور/ئامێرێکی مۆسیقی باوی ئەو سەردەمە بوە
ئەوەڵ شیپوور/یەکەم شیپوور
مەحض/پەتی
ناخۆش/نەخۆش
مەعزوور / ئەوەی مافی شتێکی بێ بیکاو بەڵگەی مافی کردنەکەی بەدەستەوە بێ


مامۆستا كوردی

خوا نه كات دل خابووربيت / ده سته كانت خؤش به ريزم / به راستى هونرواكانى (كوردى) بر له مانا و بر له تام و جيزى تايبه تى خؤى هه يه و ته زووش ده دات به له شى مرؤف