به‌ڵێ ئـه‌وسا دڵێكم بوو،

ئــاواتی ژینی بوو

به‌ڵێ ئـه‌وسا دڵێكم بوو، كـه‌ ســه‌رچــاوه‌ی ژیانم بوو
دڵـــێ مــه‌ڵبه‌ندی ئــاوات و تــه‌وژم و تینی گیانم بوو
دڵێ گوڵزاری دڵداری و به‌هه‌شتی خـۆشه‌ویستی بوو
وه‌كو بتخانــه‌ مــه‌یدانــی بتـی جـوانـی پــه‌رستی بوو
لـه‌گـه‌ڵ گریـان و هــاواری هــه‌ژارانـا لـــه‌ شینا بوو
لــه‌گـه‌ڵ نــاڵه‌ی كه‌سـانـا لــه‌ خـورپه‌ و ڕاچه‌نینا بوو
له‌ ژێر سایه‌ی ئـه‌وینێكا هه‌موو سیحرێكی پۆشی بوو
لـه‌ كونجێكی خـــه‌رابـاتا ، خــه‌ریكی بــاده‌نۆشی بوو
دڵــێ بوو دار و دیواری هه‌موو مه‌ستی نیگارێ بوو
هـــه‌موو سوچێكی ده‌سكردی ، به‌ڵێنی تاقه‌ یارێ بوو
دڵـێ خونچه‌ی ته‌مای وابوو له‌خۆشی ئه‌و ده‌می واكا
كـه‌ تیشكــی ئــه‌و لــه‌ لێوی دا ، گوڵاوپڕژێنی دنیا كا
دڵێ ئاماده‌ بوو تــاری هــه‌زار ئــاوازی لـێ هـه‌ستێ
به‌مه‌رجێ گوڵبه‌ده‌م جارێ بـه‌ مه‌ستی لێـی بدا ده‌ستێ
تــه‌لاری دڵ كه‌ دیواری وه‌هـــا مــه‌ستی ئه‌وینی بوو
لـه‌ باوه‌ش گرتنی باڵای، هـــه‌موو ئــاواتی ژینی بوو

س/ فيسبوك