هۆنراوه‌ی مه‌رگ

هۆنراوه‌ی مه‌رگ

کاتێک هه‌واڵم پێ گه‌یشت

کۆچی یه‌کجاریت کردوه‌

لاشه‌م بوو به‌به‌فری ته‌زیو

بۆ؟خۆت به‌خاک سپاردوه‌

ئه‌شکی ڕوونم لێبووبه‌خوێن

ئه‌ند ێشه‌کانم بێ قه‌رار

جه‌نجاڵی بوو به‌ هاوده‌مم

له‌خۆم سه‌رسام بوم له‌تاو زار

په‌نجه‌و پێنوسم ترازان

خامه‌کانم بوون به‌ کووره‌

هێنده‌گیانم کڵپه‌ی ئه‌سه‌ن

بۆ گۆڕو مه‌رگت لێم دووره‌

ئێسته‌شه‌وان له‌بێ ده‌نگی

گۆمێک ئه‌سرین ئه‌خوڵقێنم

یادی یادگارییه‌کان ده‌که‌م

له‌ وێنه‌کان ڕا ده‌مێنم

هه‌تا ئه‌و کاته‌ی وه‌کو تۆ

گۆڕێک دێت وده‌ستم ئه‌گرێ

خۆم ئه‌خۆمه‌وه‌بێ ڕاده‌

تا ئه‌م خه‌مه‌ت لێم نه‌گه‌ڕێ