شاجواني کوردستان وه ڵامي ئه و سوکايه تيانه ده داته وه

له لايه ن خه ڵکاني سلێماني يه ده رهه قي ده کرێت
شێنێ عه‌زيز، دواي هه‌ڵبژاردني وه‌ك يه‌كه‌م شاجواني كوردستان له‌ ساڵي 2012ـدا، دڵگرانه‌ به‌وه‌ي له‌ ماڵپه‌ڕي كۆمه‌ڵايه‌تي فه‌يسبووكدا سوكايه‌تي پێده‌كرێت. شێنێ عه‌زيز، له‌
روونكردنه‌وه‌يه‌كدا ئاماژه‌ي بۆ ئه‌وه‌ كرد، دواي ئه‌وه‌ي وه‌ك شاجواني كوردستان هه‌ڵبژێردراوه‌، له‌ هه‌مان شه‌ودا زۆرێك له‌ په‌يچه‌كاني فه‌يسبووكي شاري سلێماني سووكايه‌تيان پێكردووه‌.
روونيشي كرده‌وه‌، هه‌ڵبژاردني شاجوان له‌ جيهاندا له‌سه‌ر چه‌ند بنه‌مايه‌كه‌ به‌ پێي ستانداري فاشيۆن كه‌ ئه‌ويش باڵا و له‌شێكي و ده‌موچاوێكي درێژ و په‌نجه‌ي باريك و قژي درێژ، پله‌ي بڕوانامه‌ و خوێنده‌وارييه‌، هه‌روه‌ها پێويسته‌ ئه‌و كه‌سه‌ سزا نه‌درابێت له‌ رووي ياساي جنائييه‌وه‌ له‌سه‌ر روداوي بێئابروانه‌ و ئابروبه‌رانه‌، كه‌سێك ئه‌گه‌ر روخساري زۆر جوان و رێكبوو مه‌رج نييه‌ هه‌لبژێردرێت بۆ شاجواني، واتا بنه‌ماي سه‌ره‌كي له‌سه‌ر له‌ش و لاره‌. ئه‌وه‌يشي خستۆته‌ روو، ئه‌وانه‌ي خۆيان به‌ جوان ده‌زانن با جورئه‌ت و ئازايه‌تي و ئازاديان هه‌بووايه‌ و له‌و پێشبڕكێيه‌دا به‌شداربان، "نه‌ك وه‌ك ئه‌وه‌ي له‌ ماڵه‌وه‌ سجن كراون و ناتوانن هه‌نگاوێكي وا بنێن".
شێنێ عه‌زيز بڕواي وايه‌ ئافره‌تي‌ زۆر جوانتر هه‌ن، به‌ڵام به‌شداري پێشبڕكێكه‌يان نه‌كردووه‌. ئه‌وه‌يشي دياركرد، ئه‌و له‌ نێو 12 ئافره‌تدا هه‌ڵبژێردراوه‌، به‌ پێي بڕياري ليژنه‌كه‌ له‌ هه‌موويان باشتر و گونجاوتر بووه‌ و ركابه‌ره‌كاني له‌و ئاسته‌دا بووه‌ كه‌ ئه‌و له‌ ناو هه‌مووياندا گونجاوتر بووه‌.
ئه‌وه‌يشي راگه‌ياند، هه‌موو شتێك به‌ حزبي و به‌ ناوچه‌يي ده‌كرێت، "دواي ئه‌وه‌ي زانرا كه‌ خه‌ڵكي رانيه‌م، به‌شێك له‌ خه‌ڵكي زياتر سوكايه‌تيان پێي كردم و رۆحي ناوچه‌گه‌رێتيان قوڵ ده‌كرده‌وه‌، به‌ تايبه‌ت كه‌ زانيان ئه‌مه‌ له‌ هه‌ولێري پايته‌خه‌ت ده‌كرێت، رۆحي حزبايه‌تي به‌سه‌رياندا زاڵ بوون و پرۆسه‌ فه‌رهه‌نگي و كلتوورييه‌كه‌يان بێ به‌ها ده‌كرد و سوكايه‌تيان پێ ده‌كردم".
شێنێ عه‌زيز، له‌ 28 حوزه‌يران/ يۆنيۆ 2012، وه‌ك شاجواني كوردستان هه‌ڵبژێردرا، ئه‌م پێشبڕكێيه‌ به‌شێك له‌ فێستيڤاڵي "هه‌لا هه‌ولێر" بوو