سیستمێكی‌ نوێ‌ بۆ كێبڕكێكردنی‌ ئای‌ پاد

وه‌ك هه‌وڵێك بۆ كێبڕكێكردنی‌ ئای‌ پاد، كۆمپانیای‌ گوگڵ سیستمێكی‌ نوێی‌ خسته‌ كار كه‌ تایبه‌ته‌ به‌ كارپێكردنی‌ كۆمپیوته‌ری تابلێت.

كۆمپانیای‌ ئه‌پڵ كه‌ داهێنه‌ر ئای‌ پاده‌، له‌ ساڵی‌ 2010دا 15 ملیۆن ئامێری‌ ئای‌ پادی‌ فرۆشتووه‌ و دوا ڤێرژنی‌ سیستمی‌ كارپێكردنی‌ Tablet PC پێیده‌وترێت "هنیكۆمب".
...
ئه‌م سیستمه‌ ده‌توانێت پرۆگرامه‌كانی‌ كۆمپیوته‌ر وه‌ربگرێت و ده‌توانرێت له‌ ڕێی‌ كۆمپیوته‌ریشه‌وه‌ چاتی‌ پێبكرێت.
به‌پێی‌ ماڵپه‌ری‌bbc هۆگۆبارا به‌رپرس له‌ گوگڵ ئه‌م به‌رهه‌مه‌ی‌ به‌ ده‌رئه‌نجامی‌ وه‌به‌رهێنانێكی‌ شێلگیر ناوبرد كه‌ چه‌ندین ساڵ له‌ بواری‌ دیزاین و ئه‌ندازیاریدا ڕۆڵی‌ هه‌بووه‌.

وتیشی‌: "ئێمه‌ هه‌وڵمانداوه‌ كۆمپیوته‌ری‌ تابلێت كه‌ به‌ سیستمی‌ هنیكۆب كارده‌كات نه‌ك به‌ته‌نها كۆمپیوته‌رێكی‌ گه‌وره‌بێت، به‌ڵكو باشترینیش بێت".

كۆمپانیای مۆتۆرۆش وه‌ك یه‌كه‌مین كۆمپانیا ئه‌و سیستمه‌ی له‌ ئامێرێكدا به‌كارهێنا و ئێستا ئه‌و به‌رهه‌مه‌ به‌ناوی Xoomه‌وه‌ له‌ ئه‌مریكادا ده‌فرۆشرێت.

بین بار له‌ سایتی‌ ماشبل بۆ هه‌واڵه‌كانی‌ ته‌كنۆلۆجیا ڕایگه‌یاند "سیستمی‌ هنیكۆمب" ئاستی‌ گوگڵ له‌ كۆمپانیای‌ ئه‌پڵ نزیكده‌كاته‌وه‌ و پێشكه‌وتنێكی‌ په‌ره‌سه‌ندنێكی‌ گرنگیشه‌ له‌ ململانێكانی‌ نێوان ئه‌م دوو كۆمپانیا گه‌وره‌یه‌.

بار وتیشی‌: "گۆگڵ به‌هۆی‌ چه‌ند تایبه‌تمه‌ندییكه‌وه‌ له‌ پێش ئه‌پڵه‌وه‌یه‌ به‌تایبه‌تی‌ له‌ڕووی‌ سه‌رچاوه‌كانییه‌وه‌ كه‌ به‌ خۆڕایین، به‌ڵام ئه‌پڵیش له‌ بواری‌ دیزاین و فره‌ پڕۆگرامییدا تایبه‌تمه‌ندیی‌ خۆی‌ هه‌یه‌، ئه‌مه‌ جگه‌ له‌و ئای‌ پاده‌ نوێیه‌ی‌ كه‌ چاوه‌ڕوانده‌كرێت له‌ دوومانگی‌ داهاتوودا بكه‌وێته‌ بازاڕه‌كانه‌وه‌.مشاهدة المزيد