توندوتیژی منداڵ فێری درۆ دەكات

پسپۆڕانی بەردەوامبونی كۆمەڵایەتی دەڵێن زۆرێك لەباوك و دایكان دەناڵێنن بەهۆی درۆكردنی منداڵەكانیانەوە
درۆكردنی منداڵان هۆكاری جیاجیا و سەرنج ڕاكێشی هەیە،كاتێك منداڵ قسە بۆ دایكی دەكات لەهەنگاوەكانی یەكەمی تەمەنیدا لەسەر شتێك كە بونی نیە لەڕاستیدا هۆكارەكەی دەگەڕێتەوە بۆ گرتنی شوێنێكی تایبەتە لەلای باوك و دایكی ئەوانیش قسەكانی پشت گوێ دەخەن و گوێی لێناگرن ئەو تێناگات كە قسەكانی بێ بایەخن و مانایەكی ئەوتۆی نیە هەروەها كاتێك قسە بۆ كەسانی تریش قسە دەكات لەسەر بابەتێك كە بونی نیە بەو شێوەیە دەیەوێت شوێنێك بۆ كەسایەتی خۆی بدۆزێتەوە دوای ئەوەی دایك و باوكی پشت گوێی دەخەن لەناو خێزاندا
ڕوبەڕوبونەی منداڵ بە توندو تیژی دەبێتە هۆی دروكردن ،كاتێك دایك پرسیاری لەمنداڵەكەی دەكات لەسەر شتێك كە ڕوی دابێت ،منداڵەكە بزانێت سزا دەدرێت لەسەری بێگومان درۆ دەكات خۆی بێ بەری دەكات لەوكارەی ئەنجامی داوە ، وێرای ئەوەی كە لەناخی خۆیدا دەیەوێت ڕاستییەكان بڵێت بەڵام لەترسی ڕوبەڕوبونەوەی سزادان ڕاستیەكان دەشارێتەوە، بەو شێوە چەندە دایك و باوك توندو تیژی بەكار بهێنن بەرامبەر منداڵ ئەوەندە درۆ زیاد دەكات لەناخی منداڵدا