شاکیرا دەبێتە راوێژکاری ئۆباما

سەرۆکی ویلایەتە یەکگرتوەکانی ئەمەریکا باراک ئۆباما, ھەڵسا بەدەست نیشان کردنی کچە گۆرانیبێژی بەناوبانگی لاتینی شاکیرا وەک راوێژکار لە لێژنەی رۆشنبیری لاتینیەکان
بەپێی راگەیندراوێکی کۆشکی سپی, شاکیرای گۆرانیبێژو سەماکەری بەناوبانگی جیھانی چەندین جار خەڵاتی (گرامی) بەدەست ھێناوە و بەشداربووە لەدروست کردنی کۆمەڵەی (پێخواسەکان) لەساڵی ١٩٩٥ ھەروەھا پشتگیری لە قوتابخانەکانی کۆلۆمبیا و باشووری ئەفریقیا و ھایتی دەکات و یارمەتی نزیکە ٦ ھەزار قوتابی دەدات
ھەروەھا ھاوکاری بانکی نێودەوڵەتی کردوە بۆ پەرەپێدانی کاری مرۆڤایەتی لەساڵی ٢٠١٠ لە ئەمەریکای لاتینی
بەشداریش بووە لەچەندین چالاکی خێرخوازی مرۆڤایەتی و لەساڵی ٢٠٠٣ بە باڵیۆزی نەتەوەیەکگرتوەکان بۆ کاروباری منداڵان دەست نیشان کراوە