چاره‌سه‌ری‌ كۆكه‌‌و هه‌ڵامه‌تی‌ پاییز

له‌گه‌ڵ واده‌ی‌ هاتنی‌، ژماره‌یه‌كی‌ زۆری‌ هاوڵاتیان به‌ده‌ست سه‌رمای پاییزه‌وه‌ ده‌ناڵێنن، دووچاری‌ كۆكه‌ و هه‌ڵامه‌ت ‌و گرژبوونی‌ ده‌ماره‌كان ده‌بن، خواردنی‌ چه‌ند كه‌وچكێك ماست یاخود كوپێك شیر باشترین چاره‌سه‌ره‌

پزیشكانی‌ زانكۆی‌ گه‌نت له‌ به‌لجیكا ڕایده‌گه‌یه‌نن كه‌ ماست كۆمه‌ڵێك میكرۆبی سودبه‌خش‌ و مادده‌ی‌ پرۆبیوتیكی‌ تێدایه‌ كه‌ ڕێگه‌ له‌ تووشبوونی‌ مرۆڤ به‌نه‌خۆشی‌ ئه‌نفلۆنزای‌ پاییز و گرژبوونی‌ ده‌ماره‌كان به‌هۆی‌ سه‌رماوه‌ ده‌گرن، پێویسته‌ هه‌ر ژه‌مێك، لانیكه‌م سێ كه‌وچك ماست‌ و كوپێك شیر نۆش بكه‌ین، تاكو جه‌سته‌مان له‌ تووشبوون به‌ كۆكه‌ و هه‌ڵامه‌ت پارێزراو بێت

سه‌باره‌ت به‌سووده‌كانی تری‌ كوپێك شیر له‌ ژه‌مه‌كانی‌ خواردندا، ئه‌و پزیشكانه‌ به‌مایه‌ی‌ به‌هێزكردنی‌ ڕیخۆڵه‌ و باشتر هه‌رسكردنی‌ خۆراكی‌ ده‌زانن، چونكه‌ بوونی‌ كالیسۆم‌ و چه‌ند مادده‌یه‌كی تریش له‌ ماست‌ و شیردا یارمه‌تی‌ پته‌وبوونی‌ ئێسك ده‌ده‌ن
--------------------------------------------------------------------------------