ژه‌می‌ به‌یانیانت بیرنه‌چێ‌..

زۆركات ئه‌وه‌مان لێ‌ به‌سه‌ردێت كه‌ بۆئه‌وه‌ی‌ به‌یانیان دره‌نگ نه‌كه‌وین بۆ سه‌ر كاره‌كانمان له‌ ماڵ ده‌رده‌چین و خواردنی‌ نانی‌ به‌یانی‌ له‌بیر ده‌كه‌ین
كه‌ له‌ڕاستیدا ئه‌مه‌ هه‌ڵه‌یه‌كی‌ ته‌ندروستیه‌ و پێویسته‌ خۆمانی‌ لێ‌ به‌دووربگرین، چونكه‌ خواردنی‌ نانی‌ به‌یانی‌ سوودێكی‌ زۆری‌ هه‌یه‌ بۆ جه‌سته‌ی‌ مرۆڤ به‌وه‌ی‌ كه‌ سه‌لمێنراوه‌ ئه‌و كه‌سانه‌ی‌ ڕۆژانه‌ و به‌شێوه‌یه‌كی‌ ڕێكوپێك نانی‌ به‌یانی‌ ده‌خۆن له‌چاو ئه‌وانی‌ تردا ته‌ندروست و به‌هێزترن

ئه‌مه‌ جگه‌له‌وه‌ی‌ خواردنی‌ ئه‌م ژه‌مه‌ ده‌بێته‌هۆی‌ دووركه‌وتنه‌وه‌ له‌و ژه‌مه‌ ناڕێك و ناته‌ندروستانه‌ی‌ كه‌ له‌ چێشته‌نگاودا ده‌خورێت، كه‌ ڕه‌نگه‌ خۆراكێكی‌ پاك و خاوێنیش نه‌بێت و زیانی‌ زیاترمان پێ‌ بگه‌یه‌نن

هه‌روه‌ها ئه‌و منداڵانه‌ش كه‌وا نانی‌ به‌یانی‌ ده‌خۆن زیاتر چالاكن له‌ قوتابخانه‌دا و گرفتیان كه‌متره‌ له‌ڕووی‌ زانین و تێگه‌یشتنه‌وه‌. باشترین خۆراكیش كه‌ له‌ به‌یانیدا بخورێت بریتیه‌ له‌ میوه‌ و شه‌ربه‌تی‌ میوه‌ و ماستی‌ كه‌م چه‌وری. هه‌روه‌ها شیر و نان له‌گه‌ڵ هێلكه‌ی‌ ته‌واو كوڵاودا
--------------------------------------------------------------------------------