بۆنی ناخۆشی دەم و زار چۆن لەناو دەچێت؟ ‌

بۆنی ناخۆشی دەم و زار نەتەنیا زیانی جەستەیی هەیە، بگرە لە بواری دەروونی و كۆمەڵایەتییەوەش تووشی گرفتتان دەكات. ئەو كەسەی كە بۆنی ناخۆشی لە دەم دێت، نزیكترین كەسانی خۆی ئامادە نین لێی نزیك ببنەوە، جا ئەگەر ئەو كەسە خاوەنی خێزان بێ كێشەكە زۆر گەورەترە. 90% بۆنی ناخۆشی دەم بەهۆی ئالوودە بوونی دەمەوە بەو بەكتریایانەی كە ئەو بۆنە ناخۆشە پێك دێنن. جاری واش هەیە... هەوكردنی ریخۆڵەكە دەبێتە هۆی ئەوەی كە بۆنی ناخۆش لە دەم بێت. بە خێرایی نان خواردن هۆكارێكی دیكەی بۆنی ناخۆشی دەمە. بۆنی ناخۆشی مادەكانی وەك سیر، كاریگەری هەیە لەسەر بۆنی ناخۆشی دەم. جگەرەش بێ كاریگەریی نییە لەم بوارەدا. چەند رێگە چارەیەك بۆ نەهێشتنی بۆ ناخۆشی دەم: - دەم و ددانت هەمیشە خاوێن رابگرە، واتە لە شەو و رۆژێكدا دوو یان سێ جار فلچەی ددان بەكار بێنە، یان لە بەنی ددان بۆ خاوێنكردنەوەی كەلینی ددانەكان سوود وەربگرە. چونكە مانەوەی خواردن لەكەلێنی ددانەكان دەبێتە دروست بوونی بەكتریا. - زمانیشت خاوێن بكەرەوە: هەر جارێك كە فلچە لە ددان ددەی زمانیشت خاوێن بكەرەوە. - زارتان هەمیشە تەڕ بێت، لیكی دەم مادەیەكی پاككەرەوەیە ناهێڵێ دەم تووشی هەوكردن ببێت. ئەو بۆنە ناخۆشەی كە بەیانیان لەدەم دێت بەهۆی ئەوەیە كە دەم لە كاتی خەوتندا وشك بووە. - بۆنی خۆشی دەم بەكار بێنە، وەك پونگە، پونگە ئەو گیایە كاریگەرییەكی زۆری هەیە لە خاوێنكردنەوەی دەمدا. - ئێوارانە گێزەرێك یان هەندێك بادام بخۆ