تابلۆ دزراوه‌كه‌ دۆزرایه‌وه‌

پاش ماوه‌یه‌ك له‌دزینی‌ تابلۆیه‌ك كه‌ مێژووه‌كه‌ی‌ بۆ سه‌ده‌ی‌ (17) ده‌گه‌ڕێته‌وه‌، دۆزرایه‌وه‌. ڕۆژنامه‌ی‌ (لۆس ئه‌نجلۆس تایمز) بڵاویكرده‌وه‌، ئه‌و تابلۆیه‌ له‌لایه‌ن نیگاركێشی‌ هۆڵه‌ندی‌ (ڕامبرانت) به‌قه‌ڵه‌می‌ ڕه‌ش كێشراوه‌‌و ناوی‌ (دادپه‌روه‌ریی‌)ه‌و نرخه‌كه‌شی‌ به‌ (250) هه‌زار دۆلار مه‌زه‌نده‌ ده‌كرێت. به‌گوێره‌ی‌ ئه‌و هه‌واڵه‌، تابلۆكه‌ كه‌ مێژووه‌كه‌ی‌ بۆ سه‌ده‌ی‌ (17) ده‌گه‌ڕێته‌وه‌، ماوه‌یه‌ك پێش ئێستا له‌مۆزه‌خانه‌یه‌ك له‌كالیفۆرنیا دزراوه‌، به‌ڵام دواتر دۆزراوه‌ته‌وه‌. به‌وته‌ی‌ سه‌رچاوه‌یه‌كیش له‌پۆلیسی‌ كالیفۆرنیا، كاری‌ دزینه‌كه‌ له‌ماوه‌ی‌ ته‌نها (15) خوله‌كدا ئه‌نجامدراوه‌و زیاتر له‌كه‌سێكیش به‌شداریان تێدا كردووه‌. له‌ساڵی‌ (1990)دا له‌مۆزه‌خانه‌ی‌ كاردنر، (13) كاری‌ هونه‌ری‌ دزرا، كه‌ سێ‌ به‌رهه‌م له‌وانه‌ش تایبه‌ت بوون به‌ڕامبرانتی‌ نیگاركێش، له‌ئێستاشدا (700) تابلۆی‌ ڕامبرانت له‌مۆزه‌خانه‌كانی‌ جیهاندا پارێزگاریان لێده‌كرێت