زیكۆى راهێنەری بەرازیلی دەگاتە شاری هەولێر

KTV ...
بڕیارە ئەمشەو کاتژمێر 3ی بەیانی لە رێگەی فرۆکەخانەی هەولێری نێودەوڵەتی راهێنەر زیکۆ بگاتە شاری هەولێر.
لە لێدوانێکی تایبەتدا عەبدولخالق مەسعود جێگری سەرۆکی یەکێتی تۆپی پێی عێراق گوتی: ئەمشەو کاتژمێر 3 شەو لە رێگەی فرۆکەخانەی هەولێری نێودەوڵەتی راهێنەری بەرازیلی دەگاتە شاری هەولێر بۆ ئەوەی بەفەرمی لەسەر مۆرکردنی گرێبەست بۆ وەرگرتنی پۆستی راهێنەرایەتی هەڵبژاردەی عێراق.

لە درێژەی قسەکانیدا عەبدولخالق مەسعود گوتی: لەهەمان کاتدا هەریەکە لە بەرێوەبەری کارەکانی زیکۆ و ئەیدۆ برایە زیکۆ وەکو یاریدەدەری راهێنەر و راهێنەرێکی لێهاتووی جەستەیی دەگاتە شاری هەولێر، دوای گەیشتنیان لەگەڵ یەکێتی تۆپی پێی عێراق گفتوگۆی کۆتایی ئەنجام دەدەن بۆ ئەوەی بەفەرمی گرێبەست مۆربکەن.

لە کۆتایی قسەکانیدا عەبدولخالق مەسعود گوتی: زیکۆ لە یارییە دۆستانەکەی هەردوو هەڵبژاردەی عێراق و ئۆگەندا لە یاریگەی شەهید فرانسۆ هەریری ئامادە دەبێت.