خواردنی دوو مۆز له‌رِۆژێكدا وه‌ك (90) ده‌قیقه‌ وه‌رزشكردن سودی هه‌یه‌

به‌پێی توێژینه‌وه‌یه‌ك ده‌ركه‌وتوه‌ كه‌ خواردنی میوه‌ی مۆز یه‌كێكه‌ له‌ هه‌ره‌ خواردنه‌ به‌سوده‌كان بۆ له‌ش به‌تایبه‌ت ئه‌وانه‌ی وه‌رزش ناكه‌ن پێویسته‌ به‌رده‌وام میوه‌ی مۆز بخۆن چونكه‌ خواردنی (2) مۆز له‌ رِۆژێكدا وه‌ك (90) ده‌قیقه‌ وه‌رزشكردن وایه‌.

میوه‌ی مۆز پێكدێت له‌ مادده‌كانی (سوكه‌رِۆز و گلوكۆز و شه‌كری میوه‌ ) بونی ئه‌م ......ماددانه‌ش له‌ له‌شدا وزه‌ به‌ مرۆڤ ده‌به‌خشێت و چالاكی ده‌كات.

میوه‌ی مۆز چاره‌سه‌ره‌ بۆ هه‌ندێك نه‌خۆشی له‌وانه‌: پاراستنی مرۆڤ له‌ دڵه‌ رِاوكێ_پێكهاتوه‌ له‌ مادده‌ی ترایبتوفان جۆرێكه‌ له‌ پرِۆتین ئاسوده‌یی ده‌دات به‌له‌ش، رێكخستنی رِێژه‌ی گلوكوز له‌خوێندا ئه‌مه‌ش سورِی خوێن رِێكده‌خات.

میوه‌ی مۆز رِێژه‌یه‌كی زۆر له‌مادده‌ی ئاسن و ڤیتامین (ب6) ی تێدایه‌ یارمه‌تی ده‌ره‌ بۆ چاره‌سه‌ری كه‌م خوێنی، په‌ستانی له‌ش كه‌مده‌كاته‌وه‌ چونكه‌ مادده‌ی پۆتاسیۆمی تێدایه‌ رِێژه‌ی خوێ رِێكده‌خات له‌خوێندا.

خواردنی میوه‌ی مۆز چه‌نده‌ها سودی تری هه‌یه‌ وه‌ك پارێزگاری كردن له‌ توانای مێشك و دابه‌زینی كێشی له‌ش و برینی گه‌ده‌(قرحه‌ معیده‌) و پارێزگاری كردن له‌ به‌رزبونه‌ی پله‌ی گه‌رمی له‌ش.

ئه‌وانه‌شی كه‌ ده‌یانه‌وێت واز له‌ جگه‌ره‌ خواردن بهێنن مۆز یارمه‌تی ده‌رێكی باشه‌ بۆیان چونكه‌ مادده‌كانی پۆتاسیۆم و مه‌گنیسیۆم و ب12 ی تێدایه‌ كاریگه‌ری نیكۆتین له‌ له‌شدا ناهێڵێت.