هه‌ولێر گۆڵباراني رومادي ده‌کات و گه‌يشته‌ ياري کۆتايي

zagroztv

يانه‌ي رومادي، خاوه‌ني پله‌ي ده‌يه‌مي گروپي باکوور به‌ کۆکردنه‌وه‌ي (28) خاڵ، له‌سه‌ر ياريگاي خۆي، ميوانداري يانه‌ي هه‌ولێري کرد و له‌م يارييه‌ يانه‌ي هه‌ولێر پێويستي به‌ بردنه‌وه‌ هه‌بوو
بۆ ئه‌وه‌ي بگاته‌ ياري كۆتايي خولي بژارده‌ي عێراق و هه‌روه‌ها يانه‌ي رومادي به‌فه‌رمي دابه‌زيبووه‌ خولي پله‌يه‌کي عێراق و تيايدا يانه‌ي هه‌ولێر تواني يارييه‌که‌ به‌ئه‌نجامي (5-2) گۆڵ له‌به‌رژه‌وه‌ندي خۆي به‌کۆتابێنێت و گۆڵه‌کاني يانه‌ي هه‌ولێر له‌رێگاي ياريزانان "لوئه‌ي سه‌لاح، دوو گۆڵ و موسليم موباره‌ک و سه‌عد عه‌بدولئه‌مير، دوو گۆڵ" تۆمارکران و به‌م ئه‌نجامه‌ يانه‌ي هه‌ولێر کۆي خاڵه‌کاني بۆ (56) خاڵ به‌رزکرده‌وه‌ و به‌ فه‌رمي گه‌يشته‌ ياري کۆتايي خوله‌که‌ و رۆژي پازده‌ي ئه‌م مانگه‌ له‌سه‌ر ياريگاي شه‌عب رووبه‌رووي يانه‌ي زه‌ورا ده‌بێته‌وه‌.

جێگه‌ي باسه‌، يانه‌ي هه‌ولێر، دوا ياري دواخراوي به‌رامبه‌ر يانه‌ي دهۆکه و ئه‌م يارييه‌ هيچ کاريگه‌ري بۆ هه‌ردوو يانه‌ نييه‌‌.