په‌رده‌ پڵاوی مریشک

په‌رده‌ پڵاوی مریشک



که‌ره‌سته‌کان:

- دوو به‌رداخی ئاو برنج
- دوو پارچه‌ ڕانی مریشک
- 150 گرام باده‌م
- چوار که‌وچکی چێشت ڕۆن
- سێ په‌رداخ ئاوی مریشک
- خوێ،بیبه‌ری ڕه‌ش

که‌ره‌سته‌کانی هه‌ویره‌که‌:
- دوو په‌رداخی ئاو ئارد
- پارچه‌یه‌ک که‌ره‌ واته‌ 125 گرام
- یه‌ک کوپی قاوه‌ شیر
- دوو هێلکه‌
- یه‌ک لیتر ئاو
- خوێ

ئاماده‌کردن:

- سه‌ره‌تا بۆ ئاماده‌کردنی هه‌ویره‌که‌، ئارده‌که‌ به‌ چوارده‌وری قاپێکی قوڵدا بڵاو بکه‌نه‌وه‌ پاشان شیر، ڕۆن، هێلکه‌، خوێکه‌ی بکه‌ن به‌سه‌ردا دواتر ورده‌ ورده‌ ئاوی بکه‌ به‌سه‌رداو بیشێله‌ تا هه‌ویرێکی نه‌رمت ده‌ست ده‌که‌وێت، پاشان پارچه‌یه‌ک په‌ڕۆی بده‌ به‌سه‌رداو بۆماوه‌ی 20 خوله‌ک دایبنێ.

- ڕانی مریشکه‌که‌ بخه‌ره‌ ناو ئاوێکی که‌مێک خوێیاوه‌وه‌و با بۆ ماوه‌یه‌ک له‌ ئاوه‌که‌دا بێت دواتر ده‌ریبهێنه‌،پاشان برنجه‌که‌ له‌ ئاودا بخوسێنه‌، به‌هه‌مان شێوه‌ باده‌مه‌که‌ش بخه‌ره‌ ناو ئاوێکی گه‌رمه‌وه‌ دواتر تویکڵه‌که‌ی لێ بکه‌ره‌وه‌و ئاماده‌ی بکه‌.

- دواتر له‌ قابله‌مه‌یه‌کدا هه‌ندێک له‌ که‌ره‌که‌ی تێبکه‌و باده‌مه‌که‌ی تێبکه‌ تا ڕه‌نگی ده‌بێت به‌ ئاڵتوونی.

- برنجه‌که‌ بخه‌ره‌ ناو قابله‌مه‌که‌وه‌و مریشک و ئاوی مریشک و بیبه‌ره‌ ڕه‌شه‌که‌و خوێی تێ بکه‌.

- تا پڵاوه‌که‌ ئاوه‌که‌ی ده‌کێشێت و حازر ده‌بێت سه‌ره‌تا با له‌سه‌ر ئاگرێکی خێرا بێت دواتر ئاگره‌که‌ی بۆ که‌م بکه‌ره‌وه‌.

-دواتر ئه‌و شته‌ی که‌ بۆ پڵاوه‌که‌ ئاماده‌تکردووه‌ به‌ هه‌ندێک ڕۆن چه‌وری بکه‌ پاشان باده‌مه‌کان له‌ ناوه‌راست و چوارده‌وری دابنێ و ئه‌و هه‌ویره‌ی ئاماده‌شمان کردووه‌ به‌ ئه‌ستووری نیو سم تێیدا بڵاو بکه‌ره‌وه‌.

-پاشان سه‌رجه‌م که‌ره‌سته‌کانی تری بکه‌ره ناوه‌وه‌و هه‌ویره‌که‌ی بده‌ره‌وه‌ به‌ سه‌ردا .

- پاشان بیخه‌ره‌ فڕنه‌وه‌و له‌سه‌ر ده‌ره‌جه‌ 190 تا ئه‌و کاته‌ی جوان بێده‌گات دایبنێ.

- ئێستا ئاماده‌یه‌ بۆ خواردن و عافێتتان بێت.